Wir Karl von gots gnaden Romischer keiser zu alln czeiten merer des Richs Vnd kunig zu Beheim Entbieten alln fursten geist
lichen Vnd werntlichen Grauen frien heren Edeln Dinstluten Rittern knechten stetten gemeinden vnd alln andern vnsern Vnd
des heiligen Richs liebn getruwen Vnser gnade vnd alles gut liebn fursten vnd getruwen wie wol wir von keiserlicher
mecht die wir von dem almechtigen gotte habn Vnd von angebormer gute alle die darzu willeclich sin getruwlich daz
wir alln Vnsern vnd des heiligen Richs getruwen gerne behulfig sin zu yren rechten vnd beschaidenheiten doch ist
sunderlich allewege vnser meynung gewest vnd ist noch huteistages daz wir alle geistliche lute zu yren rechten schirmen
Vnd hanthaben welln Vnd mit namen ist vnser meynung daz wir nyt gestaten welln daz yhemt vngehorsamkeit sin sulle bey
geistlichen luten dauon gebieten wir uch Vnd uwer ieclichem besunder by vnsern vnd des Richs hulden ernstlich vnd bestetlich
daz ir daz hus vnd des dutschen ordens in dutschen landen der in vnser frawen ere gestifftet ist in welhen eren dir wnden
der bruder wert dem geistlichn philips von Bikenbach meister desselbn ordens in dutschen landen dir sinen nachkomen meistern
desselbn dutschen ordens in dutschen landen vngehorsam wert dir wnde Vnd desselbn ordens gesetze ordnunge rechte dir hie
wonheit nyt halden noch dir gehorsam sin wolte Vnd sie freuelich vbirfure daz ir dan sollet uch der egn(ant) philips dir sine
nachkomen die an czeiten meister desselbn dutschen ordms in dutschen landen weren uch darumb ermanent dieselbn vngehorsamen
bruder wie der meister desselbn ordms daz an uch gesinnet mit vnser vnd des Richs wermecht macht darzu haltet Vnd dem
egn(ant) meister darzu bestetlich behulfig sijt mit uwer ganczer macht daz der vngehorsam bruder zu gehorsamkeit kome Vnd
des ordms rechte gesetze ordnunge vnd gewonheit genczlich haltet Vnd welicher vnder uch des nyt tete der sal in vnser Vnd
des Richs Vngnade swerlich sin beualln an Vrkunt ditz brieues versigelt mit Vnsrn keiserlichn Ingesigel gebn zu Beheim
noch gots geburte druczenhundert Jare darnoch in dem funff Vnd sechczigistem Jare an den nehesten sunnabende noch dem
heiligen ostertage Vnsr Richs in dem nungenden Vnd des keisertums in dem Eilfften Jare

per dominum Jmperatorem

End(res) Hans twerflancz