R2_STRONG
AUR_1314_I_23
AT-HHStA > SbgE > AUR_1314_I_23
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
Wjr Friderich. von Gotes genaden. Herzog in Osterreich vnd in Steyr. Herre ze Krayn. auf der
March. vnd ze portenowe. Veriehen. vnd tůn chůnt allen lůten. di disen brief an sehent oder
horent lesen. Daz wir. mit vns(er)m lieben Oheim dem edeln kůnig Heinr(ich) von Beheim. vnd Herzo-
gen ze kernden. vnd mit Grafen Heinr(ich) von Gorz. vnd von Tyrole. durch gancz truwe vnd
lieb. der wir an einander schuldig sin. vnd ouch mit dem ersamen Herren. erzbischoff Weich(art)
von Salczburg. ob er mit vns in den bunden. wil sin. vnd wir vns zů einander verlubt
vnd verbünden haben. von den Vasmahten. di nv nehst hin sint. ze vier iaren. ze helfen. vnd
ze raten. wid(er) allermenichlich. ane geuerde. an alein wider daz Rihe. Vnd geben darub(er).
disen Brief. ze einem vrchůnde versigelten. mit vns(er)m hangundem Insigel. Der brief ist geben.
datz Veldchirchen. do von christes geburd sint ergangen. Driuzehen hund(er)t Iar. vnd dar
nah in dem vierzehentem Iar. an dem nehsten tag. nah vincencij.
March. vnd ze portenowe. Veriehen. vnd tůn chůnt allen lůten. di disen brief an sehent oder
horent lesen. Daz wir. mit vns(er)m lieben Oheim dem edeln kůnig Heinr(ich) von Beheim. vnd Herzo-
gen ze kernden. vnd mit Grafen Heinr(ich) von Gorz. vnd von Tyrole. durch gancz truwe vnd
lieb. der wir an einander schuldig sin. vnd ouch mit dem ersamen Herren. erzbischoff Weich(art)
von Salczburg. ob er mit vns in den bunden. wil sin. vnd wir vns zů einander verlubt
vnd verbünden haben. von den Vasmahten. di nv nehst hin sint. ze vier iaren. ze helfen. vnd
ze raten. wid(er) allermenichlich. ane geuerde. an alein wider daz Rihe. Vnd geben darub(er).
disen Brief. ze einem vrchůnde versigelten. mit vns(er)m hangundem Insigel. Der brief ist geben.
datz Veldchirchen. do von christes geburd sint ergangen. Driuzehen hund(er)t Iar. vnd dar
nah in dem vierzehentem Iar. an dem nehsten tag. nah vincencij.