Wir Leutolt vo(n) Chu(e)nring Schench in O(e)sterreich Jechen an disen prief vnd tu(e)n chunt allen den disen prief lesent od(er) ho(e)rent daz fridreich
Heunel vns(er) dien(er) hat gegeben sein gu(e)t datz Wa(e)dling ze chaufen dem ersam(en) h(er)ren Apt vlreichen vnd dem Gotzhaus ze Maut(er)nha(e)slach vmb zwai
vnd vierzich pfunt pfennig(er) wienn(er) mu(e)nss vnd wan daz selb gu(e)t vo(n) vns lehen waz so hab(en) wir durh got vnd dih vns(er)n vodern sel willen
vnd dih vnsers selbs hail vnd seld vns(er)n willen da zu(e) geben vnd haben die Aygenschaft vreileichen geben vnd auf gesalt vnser frawen
vnd dem Gotzhaus ze Maut(er)n mit allem dem daz da zu(e) geho(e)rt swi daz genant ist ga(e)ntzleichen mit gu(e)ten willen fraun Agnesen vns(er) haus
fraun vnd vns(er) su(e)n Jansen vnd ha(e)dmar(s) also daz dhain vnser erb noh fridreihs ha(e)unels erben dhain(en) nimm(er) mer dhain reht noh dhain ansprahh
noh vmgetra(e)g nah de(m) obgenant(en) gu(e)t datz wa(e)dling suln noh mu(e)gen haben noh gewinn(en) sund(er) is soldaz selb gu(e)t ze wa(e)dling sein ewichleiche(n)
reht(es) vnd ledigs Aygen vns(er) fraun vnd des Gotzhaus ze Maut(er)n an alle wid(er) red aller vns(er) erben Vber daz allez so setz dannoh fridreih
Heunel seinen weingarten Smalaz ze minpach mit vns(er) hant wan er vns ze purchreht zwen pfennig da vo(n) geit ze einem fu(e)rpfant vnd
ze ein(em) ebentewr dem Gotzhaus ze Maut(er)nha(e)slach fu(e)r alle die chrieg vnd anspru(e)che die daz Gotzhaus ze Maut(er)n vmb daz gu(e)t ze wa(e)dling mu(e)gen
angeen die in ze reht angeho(e)rent zer ledigen vnd ze lo(e)sen Vnd daz d(er) chauf vnd d(er) gewa(e)rft dem vorgenant(en) Gotzhaus wert behalten vnd
ewichleichen sta(e)t beleib vnd vnzerbrochen da vber hab(en) wir paid vnserev insigel geben an disen prief ze ainem waren vrchu(e)nt Dez
sint zeuch h(er) Leutolt vo(n) chu(e)nring h(er) Alb(er) vo(n) Chu(e)nring h(er) Hadmar vo(n) chu(e)nring h(er) Ch(unrat) vo(n) potendorf h(er) Arnolt vo(n) Tobran h(er) Arnolt
vo(n) praunstal Otolf heunel h(er) hilg(er) vnd h(er) Amweich bru(e)d(er) vnd mu(e)nich ze Maut(er)n vnd and(er) zeug genu(e)ch Der prief ist geben
datz Tiernstain do vo(n) vns(er)s h(er)ren geburt waren drevzehen hundert iar vnd in dem dritten Iar nah an sand matheys tach