Research catalogue

Explore the charters

Search simply first. Refine only when the research question requires it.

R3_PERIOD_CONTEXTgeben ze Chotweig (1307) an sand V o lrichstag. Source

1307_VII_04

AT-StiAG > GoettweigOSB > 1307_VII_04

Source: MonasteriumAI palaeographyAI interpretation
Page 1 / 2
1307_VII_04, page 1
View
Transcriptiongemini-3.1-pro-preview
Ich Chůnrad von Arnsteyn Vergih vnd tůn chund alln den di nu sind vnd hernach chvnftich wer
dent di disn prief hornt od(er) sehnt lesn Daz ich mit gůtem rat miner haussrowen vron Chvngund
vnd aller miner erbn gvtlichem willen han gegebn dem erbn Gotzhus ze Chotweig ewichleich
den hof datz Tzwischnprunn lauterlich durch Got vnd durch miner vnd min(er) haussrowen vnd
aller min(er) vodern sel willen vnd besvnderlich dem vorgnantem Gotzhus ze Chotweig ze frediung
daz man min(er) swest(er) toht(er) vron Elsper hat do genomen in daz vrowen Chloster Der selb hof datz Tzwi
schnprunn der dient ainen mutt chorns zwelf metzn reinwaitzs zwen mutt habern vnd uierdhalbn
schilling wienn(er) pfenning an sand mychels tag vnd svllen ich vnd all mein erbn dez vorgnanten Gotzhaus
ze Chotweig reht schirm sein for all ansprech noch des lands gewonhait vnd swaz doz an abge dem sel
bn Gotzhaus den schadn sol d(er) Apt vnd di samnung habn auf alle den vnd wir habn in dem land ze Oste
reich Daz dise sache stetich beleib on alln chriech hon ich dem vorgnantem Gotzhaus ze Chotweig ge
gabn disn prief ze einem ewigem vrchvnd besiglt mit minem insigel Diser sache sind tzevg H(er) Ott Zel
king(er) von Schala H(er) Ott Zelking(er) von Schonnepk H(er) Lvtweich sein prvd(er) Ott d(er) Hevsler H(er) Weichart
sein prvd(er) Dietich d(er) havsler Wernhart vnd Wolfinch sin prvd(er) H(er) Weichart von Planchnstain Ott
von Weizznberch vnd and(er) frum levt den daz chvnd ist vnd gezeign Diser prief ist gebn ze Chot
weig do von Christes gepurt warn dreutzehn hundert iar in dem sibnten iar an sand Vlrichs tag

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.