Ich Gots(chalk) von vellen tůn chunt allen lævten die iezvnder sint od(er) noch werden daz ich mich
mit minen vet(er)n Diet(m)ar(en) vnd chůnraden von vellen v(er)riht han aller der sache vnd chrieg
vnd zwispalt vnser vordern vnd vns her gewesen ist vntz vf den hvtigen tach ez sei
vmb aigen oder vmb lehen vnd vmb lævt vmb gůt daz wir vns dar vmb hovtlaich
vnd vrůntlaichen v(er)riht haben mit gvota(m)em ræt daz ovch daz fvrbaz stæt beleib vnd
vnzerbrochen gibe ich in disen brief ze ainem vrchůnde mit minem Infigel vnd ovch mit ir
selber Infigeln vnd h(er)n Hærtneits Infigel von den tv(r)n vnd mit frid(er)ichs Infigel von chal
ham vnd ovch mit disen zvigen h(er)n Hærtneid von den tv(r)n frid(er)ich von chalham h(er)n
fritz d(er) freichaf h(er)n frid(er)ich d(er) chlonogel frid(er)ich d(er) tæhsenpach liebhart d(er) ampo(m)an vnd
sin průder zwen vlrichen vnd vlreich d(er) chro(m)ensperg vnd vl(rich) d(er) tæhselær vnd h(er)n
d(er) hagt vnd wernh(er) d(er) schellhorn vnd and(er) frvm lævt daz ist geschehen ze wietel in
dem wenge do man zalte von ch(r)istesgebvrt drevzehenhvndert Iar vnd in dem
ahteen Iar dez næhsten tags nach sand gallen tach