Ich Chunrat chlinge vnd Dein hausvrowe vro Pericht Vergehen vnd tuen chunt allen den di nu
sint vnd her nach chumftig werdent di disen brief lesent oder lesen horent Daz ich chunrat
chlinge vnd mein vor genant hausvrowe Mit ver dachtem muet vnd mit guetleichem willen
Vnd mit zeitigem rat aller meiner vreunt ze der zeit vnd ich wol macht han geschaft dem er
weren Gotshaus Sand Veites ze Gtazz ze eim selgeret mein vnd aller meiner vodern Zv
des erwern herren hern Reinheres zeiten der da pfarrer was an allen hinder list vnd an allen
chrancken fuersatz vnd trachtunge Zwo hofstat rechtes aigens di ich vm mein vnd meiner
hausvrowen vozent guet gechauft han recht vnd redleichen an allen chrieg di in dem sel
ben aigen sint gelegen ewichleich zebeleiben Also mit beschaidener red daz di selben hof
stet Mein vor genant hausvrowe vro Pericht schol haben in gewer vnd in nutze vntz an
ir tot alain Ez wer den so vil daz si sev mit guetleichem willen wolt durch meiner sel
vnd durch aller vnserr vodern sel willen ee ir todes di vor genanten hofstet dem vor genan
ten Gotshaus auf geben oder ledich lazzen Wer auer des nicht so schal ir niem dehain ge
walt dar an tuen Weder pfharrer der den lebt noch vreunt vntz an iren tot. Ich tuen auch
chunt daz di selben hofstet ze den selben zeit hat gehabt ain Gotfrid Muerrel vnd di an
dern hainreich der vich hiert Sev dient auch als ander hofstat dient in dem selben aigen.
Daz disev red vnd gescheft stet vnd vn zebrochen beleib. Gib ich vor gnanter chunrat chlinge
vnd mein hausvrowe Pericht disen Brief mit meim insigel be stet ze einer vrchund vnd ze
einer warhait Diser red Sind auch gezeug her Otte pfarrer ze vroundorf her Dietreich
pfarrer ze rorbath her Leupolt pfarrer ze Blench her Fridreich von duertenpach. Larenz
da selben. Meinhart vnd vlreich sein Brueder di velebrunner Gotfrid der Blezperger. Ott
der Grazzer Sighart von tauchen vnd anderr edler leut genuech Von dem selben aigen.
Ott der chelner Ott Geiger Gotfrid Duerel Dietreich Duerel Perichtolt Menetschner
hainreich pfafsteter Andre. haingel sein Brueder Vnd anderr Erwert leut genuech
Der Brief ist Geben vnd daz gescheft ist geschehen Da von Christes Gebuert was
dreutzehen hundert iar vnd in dem Sibenzehentin iar an Sand Thomans tag ze
Blench in meim vnd Meiner Swiger vnd Deiner hausvrowen hof vor erwern leuten
<transcript stopped because model output began looping; manual review required>