Ich Hainreich der Sraynberger vnd mein hausvrau Liebgart wier veriehen
vnd tuen chunt allen den di disen prief sehent oder horent lesen daz wier mit
vnserr pesten freunt rat vnd mit guetem willen aller vnserr erben haben
verchauft vnd ledichleich gegeben dem erbern herren apt Nitharten
vnd seinem gotshaus datz Chotweich ein halbez pfunt gelts daz wier
heten datz datz Chremdorf auf des vorgenanten gotshaus aigen vmb
sibenthalp pfunt wienner pfenning der wier recht vnd gentzleich
gewert sein. vnd dar vber gib ich dem egenanten erbern herren apt
Nitharten vnd dem gotshaus ze Chotweich ze vrchund vnd zu einer
vestnung disen prief versigelt mit der erbern herren insigel hern
Chunrates von Arnstain hern Otten des Watzesberger von Buelperg
vnd mit meins swaher insigel Hainreichs des Redler. wan ich selb
aigens insigel nicht han. Der prief ist gegeben vnd ditz ist geschehen
do von Christes pürd waren ergangen dreutzehen hundert jar do
nach in dem zwaintzigisten iar des suntiges nach der liechtmiss.