Ich Chol der Sulaver Vergich an disem Brief vn(d) tu(o)n chu(n)t allen den di In sehent
lesent od(er) horent lesen Daz ich mit gesamter hant vn(d) mit gu(o)tem willen vn(d) gu(n)st miner
su(o)ne Yewans Choln O(u)tolfs vn(d) Herbotz vn(d) mit and(er) miner erben willen vn(d) gu(n)st
ze den ziten do er ir ir wal gevu(o)n mocht Vreilich vn(d) Ledichlich Gegeben han Dem
gu(o)tem herren H(er)rn Symon der P(ro)bst ze Chu(n)liub ist vn(d) dem selben sinem Gothus
ze Chu(n)liub Die vogtay vn(d) alles daz recht daz ich vn(d) mein erbn gehabt haben od(er)
gehaben mochten Uf den gu(o)ten die hie nach geschriben sint vn(d) gen Chu(n)liub gen wisen
vod(er)n gegebn sint Uf ainem Lehen daz Heindorf uf ainem lehen daz den paumgarten(er)n uf
ainem lehen daz pilgreim an dem wald uf aim lehen daz den erlen uf aim lehen uf dem winnek
vn(d) uf des pingss hofstat ze Chu(n)liub vn(d) swaz ich vn(d) mein erbn jof des Gothuss gu(o)t recht
od(er) vogtay gehabt hieten Durch Got vn(d) durch miner sel vn(d) all mein vod(er)n sel willen
Also ezgenomenclich Daz ich noch dhein mein erb furbaz mer mer uf den vorgend(er)n
Gu(o)ten dhein vogtay noch dheins rechten ahten noch haben suln Vnd(e) su(o)ln div die egend(er)n
gu(o)t vreies vn(d) Lediges aigen sein fu(o)r ewiclich des Gothus ze Chu(n)liub Ez schal div
selb Got ir vogt vn(d) ir schirm sin an allen wez siv sinst ist In dem land ze osterrich In swem
er ez enphilicht vn(d) daz div stet beleib vn(d) vnzerbrochen Gib ich dem Gothuss ze Chu(n)liub
disen Brief besigelt mit minem Insigel vn(d) mit miner herren Insigeln h(er)n wichartz
des alten von Capel vn(d) h(er)n vlrichs sines sunes vn(d) sint hie ovch Geziug h(er)n Helm
wich von Chu(n)liub Der Diemar der zitt h(er)n cholman von Ransenbach h(er)n Johans vo(n)
Ransenbach H(er)rm(an) d(er) gilk vn(d) ander Erber Liut genu(o)g Der brief ist gebn daz
dem Hove in dem pharre nach Gotes geburd Drevzehen hund(er)t jar an d(er)m ndch
In dem zwainzigistem jar des Samztages vor sant Agneten tag