Ich Wilhalm bei dem prvnne purger ze wienne . Tvg ich offenleichen an disem brief daz ich mich
Stet und redleichen veraint und verpunden han mit meinen trewn gegen dem Erben Gaistlichen
herrn Apt wulfing und gen dem Conuent gemain in dem chloster satz dem chotweich vmb
die zwai phunt geltz purkrechtz die sew habent auf meinem Haus daz da leit ze wienne hinden an
dem alten flaischmarckt zu nachst weichans Haus des flaischacker auf der stach gen der pastuben vnder
den Hafnern ober und des weilnt wulfings des chellerchnechtz sew gewesen ist . daz sew mir rechtz
und mit vrtail in der purger schranne ze wienne vor rihterem gericht vmb ir versetzens purck
recht und vmb die zinsfelle die mir nicht dar auf veruilt sint in ir gewalt pracht haben und
der selben zwispelle sew mich durch meiner durft willen und auch durch meiner vriunt gebet
willen lazzen haben also daz ich in oder swer daz Haus nach mir besitzet furhin alle iareschari
die Egenanten zwai phunt geltz da von dienen schol ze rihten tagen als purckrechtz recht
ist in dem Land ze oster reich und auch in allem dem rehten als die Egenant gult von der
purcksetzunge her chomen ist . und als sew auch dar vber aine brief und hantuest haben und
des ze vrchunde gib ich in disen brief . versigelt mit meinem Insigel der brief ist
geben ze wienne Nach christes gepurt dreutzehen Hundert iar dar nach in dem funf
und dreizzigistem iar an sand Matheus abent .