Research catalogue

Explore the charters

Search simply first. Refine only when the research question requires it.

R3_PERIOD_CONTEXTgeben (1335) an sand Laurentzentag. Source

1335_VIII_10

AT-StiAG > GoettweigOSB > 1335_VIII_10

Source: MonasteriumAI palaeographyAI interpretation
Page 1 / 2
1335_VIII_10, page 1
View
Transcriptiongemini-3.1-pro-preview
Ich Ort der Tholerber und ich Ortolf sein pruder veriehen offenleich und tůn chunt an disem prief
allen den die in sehent oder horent lesen. Daz dem erbern herren Apt Wulfingen von dem Chotwig und
seinem Gothaus ledich worten sint von unsers vater tod dem got genad an sechtzich drev pfunt pfen
ning geltes di gelegen sint datz Horbach auf gestiften holden und di er nůr ze seinen tagen haben scholt
als di p(rie)f sagent di daz gothaus noch dar uber hat. Dasselbe gůt hat uns paeden průdern Orten und
Ortolfen der vorgenant unser herre Apt Wulfinch von dem Chotwig und sein samnug durch pet der
Edelen fursten von Osterrich hertzog Albrechts und hertzog Otten und auch durch unsers dinstes
willen gelihen und bestetigt zv unsern tagen also daz nach unserm tod weder unser hausfrawen
noch unser erben dar an dehain recht nicht habent nůr daz ez nach unser der tod auf den andern
gevallen schol und nicht verrer und dar umbe daz uns di genad geschehen ist geluben wir daz gůt
ze veld und ze dorf trewleich inne ze haben und dem gothaus hin fur an schaden und ze nucz der sam
an iren willen nindert pringen weder mit versaczen noch mit verchauffen noch mit dehainer ander
wandelung. Und swenne wir paed nicht mer sein so ist daz gůt mit vogteie und mit aller sachen
ledich worten an allen chrieg also daz si allen iren frumen da mit schaffen schullen als mit an
derm irs gothaus gůt an allen irrsal. Und daz daz stet und unzeprochen beleib von uns und von
unsern erben dar umbe geben wir vorgenant pruder Ort und Ortolf fur uns und fur alle unser
erben dem Gothaus ze Chotwig disen offen prief versigelten mit unsern paeden hangenden Insigelen.
Der ist geben nach Christ gepurt drevzehen hundert Iar in dem fumft und drevzzigstem Iar dar nach
an sand Lawrenczen tag.

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.