Research catalogue

Explore the charters

Search simply first. Refine only when the research question requires it.

R3_PERIOD_CONTEXTgeben (1338) an sand Po e ltentag. Source

1338_VIII_13

AT-StiAG > GoettweigOSB > 1338_VIII_13

Source: MonasteriumAI palaeographyAI interpretation
Page 1 / 2
1338_VIII_13, page 1
View
Transcriptiongemini-3.1-pro-preview
Ich Nyda pfarrer datz Purchech Igeich vnd tven chvnt allen den di nv lebent od(er) h(er) nach chvnftig sint di disen
prief lesent od(er) horent lesen daz ich mich v(er)haezzen vnd v(er)punden han daz ich vnd alle mein nahchome ain messe
haben schollen alle wochen an dem samztag datz sand Cecelgen in d(er) chappellen di da leit pei dem freithof in
den ern vns(er) vraw(e)n vnd sand Cecelgen vmb ainen hof d(er) da haizt ze haushaben den d(er) Erber herr h(err) Chvnrat
von Tyernstaen hat gegeben ledichleich zv d(er) zeit do er ez wol getven macht mit gvetem willen vnd rat sein(er)
Erben dvrch sein vnd aller sein vodern sel willen. vnd d(er) selb hof dient alle iar an sand Michels tag neivn
schilling pfennig vnd zwo gens vnd ahtzchen swaigches vnd vier vaschanch hven vnd sechtzich ayr vnd schol
er auch vnd sein Erben des vorgenante(n) hofs vogt vnd schirm sein an allen vns(er)n schaden als des landes recht
ist in Ostreich vnd ze vogt recht dienent im di holden an sand Michels tag dreizzig pfennig gemaener
wie(n)n(er) mvntz ze Tyernaw in datz havs vnd ist auch d(er) pfarrer vnd di holden im vnd seine(n) Erben nicht mer
gepvnden. Wer au(ch) daz getan daz ich vor genant(er) Nyda od(er) mein nachchome v(er)savmte di messe von chaft(er) not
an dem samztag so scholle wirs ervollen an ainem anderm tag in d(er) nachste(n) wochen. vnd w(er) au(ch) daz getan daz
ich ee genant(er) Nyda od(er) mein nachchome gar zelang savmich wern an dem gotes dienst so schol sich d(er) vor
genant(er) h(err) Chvnrat von Tyernstaen vnd sein Erben nach genad vnd(er) winden des vor genante(n) guetes mit
vns(er)m guetleichem willen an alle wid(er)red. vnd daz di red stet vnd vnzerprochen beleib gib ich oft genanter
Nyda disen prief vsigelte(n) mit meim(e) an hangunde(n) Insigel. vnd ist auch gezevg d(er) sach mein herr Apt
Wulfinch vns(er) vrawn gotshaus ze Chotwig mit seim(e) an hangvnden Insigel mit des rat vnd helf ez ge
schichen ist. Der prief ist geben do von christ gepvrd ergange(n) sind drevtzehen hvndert Iar dar nach in
dem aht vnd dreizgistem Iar an sand polten tag :~

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.