Ich seifrid der fiedmicher von a(w)e . vn(d) ich dietreich der fiedmicher . von marchartsdorf wir tu(e)n chunt allen den lewten di nu lebent od(er) her nach chunftig w(er)dent . daz der geistleich man h(er)r ot der lochler ze den zeiten pharr(er) dacz sand veit . dez phneurchings hof gechauft hat . dacz marchartsdorf . den dacz haws in der haspach auf vns chumben telt . vmb zwai vn(d) fietzik phunt phening(er) wienn(er) munzz . also beschaidenleich . daz vns der selb hof vnser pharr dacz marchartsdorf aller iärchleich gedient hat . ze purgrecht ein phunt waisz auf sand marteins abent daz hab wir der genant seifrid . vn(d) ich dietreich . mit gu(e)ten rät gemain . aller vnser pharrlewt h(er)r ab genum(en) mit . vn(d) haben is gelait auf ainen acher . den d(er) vor genant geistleich man . h(er)r ot der lochler gechauft hat vmb zwai phunt phening(er) wienn(er) munzz . vnd ist d(er) hof dacz marchartsdorf froleig ewichleich freig aigen . vn(d) daz diser prief stät vn(d) gebrochen beleib . geb wir im den prief v(er)sigelt mit vnsern anhangunden insigel . di sach ist ge
schehen . do man zalt von ch(rist)es gepu(e)rd . dreuzehen hundart jar . vn(d) dar nach in dem zwai vn(d) vierzigisten jar ze den ostern an sand pamphens tag