Ich Chadolt von Neynhofen vn(d) auch Seyfrid vnd Wald(er) von vn(d) Johans von Seiz wier fumf prued(er) vnd vn(ser) swest(er)
Die(m)ut alle(n) an disem prief vnd tuen chunt alle den de in sehent od(er) hoerent lesen di nu lebent od(er) her nach
chunftig warent daz wier mit bedachtem muet vn(d) noch vn(ser) pest(er) freunt rät vn(d) mit all(er) vn(ser) erbe guet(er) wille(n)
zu d(er) zeit do wier iz wol getuen mochte(n) Ein hof v(er)chauft habe(n) d(er) vn(ser) redig aige(n) gewesen ist vn(d) leit in d(er) Ocha
in Rueprechtshofer pharr da zu den zeiten Cug(el) d(er) chegel auf gesezzen ist. Den hab(en) wier gegebe(n) herrn Rueg(er)n
dem weichselpecken von Ofenpach mit alle dem nuz vnd recht der dar zue gehoert gehof od(er) gevelt isuecht
vn(d) vnsuecht gestift vnd vngestift iz sei wismat od(er) holz als wier iz gehabt habn also hab(en) wier ims gegeben vm(b)
dryuz vnd fumzich phunt wien(er) mvnnz d(er) wier gancz vnd gar gewert sein. Daz er in fuerbaz habe(n) schol leichliche(n)
vnd teilliche(n) als and(er) sein aige(n) v(er)sezen od(er) v(er)chauffen leiche(n) od(er) geben wem er well. Vber diselbe(n) gult mer ich
Chadolt vn(d) mein egenante(n) prued(er) vnd auch vnser swest(er) vn(d) all vns(er) erbe den an(der) den egenante(n) herrn Ruegern de(m)
weichselpecke(n) sein vn(d) sein(er) erben recht(er) scherm(er) vnd gewer(er) schulle(n) sein fuer all ansprach als aigenz recht ist vnd
landes sit vn(d) gewonhait ist in Ostreich. Vnd durch pesser sicherhait secz ich mich Ott d(er) Guetwein vn(d) ich Seyfrid
d(er) Guetwein vnd ich Ottach d(er) Wolfstain ze rechte(n) scherm(er) vn(d) auch gewer(er) dem egenante(n) herrn Rueg(er)n dem
weichselpecke(n) vnd seinen erben vuer all ansprach vnd tet(en) wier aver daz nicht welche schade(n) se des nemen
mit noch raisen od(er) mit recht daz sei gesprechen mochte(n) pey iren trewn den schade(n) se habe(n) auf alle dem daz
wier habn in dem lant ze Ostreich iz sei auf aige(n) od(er) auf lehe(n). Vnd wer des landes herr ist od(er) haupman
zu den stete(n) der schol in vns(er)s guetes so vil in antwuerte(n) an all chlag vnd an fuerbot daz in all ir schade(n)
werd abgelait gancz vnd gar. Daz dise red stet vnd vnzeproche(n) peleib dar vb geb wier Ich Chadolt
vnd mein vorgenant(en) prued(er) vnd all vnser erben vnd auch Ott der Guetwein vnd Seyfrid der Guetwein vnd
Ottaker der Wolfstain disen p(rie)f v(er)sigelten mit vns(er)n anhangunden Insigeln zu ein(em) ganczen stet(en) vnd zu einem offen
vrchunt diser sach Der prief ist gegeben do gezalt warn von Christes gepuerd dreuzehenhundert Iar dar nach
in dem zwayundvirczigisten Iar an dem P(er)chtentag