Ich Ote der Maerfer purger ze Aewnburch Chlosterhalben . vnd mein Erben . veriehen vns tvn chunt . Allen den die
disen prief ansehent . oder hoerent lesen . daz wir mit wolbedachtem muet . vnd mit gesuntem leib . vns hie . ze chovffen habent .
geben . ze der zeit do wir iz wol getvn mochten . vnd mit vnsers purchmaister hern Tiemon(s) des Strobel
vnd den erbern chnechten hern Jonsen des Trewssen . recht vnd redleich verchauft vnd geben hab(en) . vier phunt
wiener phenninge geltes purchrechtes Auf vnsern zwain weingarten . des ains ist dritteil genant ist . der
da leit oben andem Nidern leben . ze naechst dem weingarten der da haizzet des Chaperstaiten . So leit der
ander vnder dem Tuchperch ze naechst der perchtoldinne am derfnern . da man ein pinden pucing treit .
die zwen weingarten . fvnfthalben Eimer . vnd vier schaff weins ze purchrecht . vnd ain phenninge ze stewer
vnd nicht mer . vmb zwai vnd dreizzig phunt wiener phenninge . der wir gar vnd gaentzleich gewert sein
dem Erbern heren . hern Chvnraten dem Chaefer dem Priester meinem svn . fvrbas leibchleichen vnd fridleichen
ze haben . vnd allain sein from . da mit ze schaffen . verchovffen . versezen . vnd geben swem er welle . an allens
insal . Also mit ausgenomenen red . daz wir oder swer den vorgenanten weingarten zwen . nach vns besizet
im die egnanten vier phunt geltes . fvrbas alle iar da von diennen schullen . ze drin zeiten im iar . an aichen
dinluf schillinge an sand Cholmans tag . an aichen dinluf schillinge . ze weinnaechten . vnd an aichen dinluf
schillinge an sand Jorgen tage . mit alle dem nuz vnd recht . als man ander purchrecht in dem Amt ze Aistav
recht dient . vnd sulle auch wir . die selben vier phunt geltes ab losen . swelhes iares wir mugen . oder vns
eben ist . mit andern vier phunden geltes . die als guet vnd als wol gelegen sein . als auf den egnanten zwain . wein
garten . vnd sein auch wir . Ich Ote der Maerfer . vnd mein Erben vnuerchaidenleich . der vorgenanten zwain
vier phunt wiener phenninge geltes purchrechtes . dem Chvnraten des Maerfer des Priester meines svn .
waer . gweren vnd schirm fver alle anspraech . als purchrechtes recht ist . vnd des landes recht in Oesterreich
waer aber daz in der vier phunt geltes mit recht . in den egnanten zwain weingarten icht ab gienge . daz
schol er haben . auf vns vnd auf allem vnserm guet . daz wir habent in dem Amt ze Aistav . es sei
lewtig . oder waid . vnd wand wir selb nicht aigens Infigel haben . dar vmb so geben wir in disen prief . ze
einem waern vrchvnde . vnd ze einer ewigen vestnunge . diser sach versigeltn . mit vnsers gnedigen herren .
Infigel . des vorgenanten herrn des Strobel . vnd mit hern Apel(s) infigel des Trewssen . da mit
gedacht infigel . des dem taer . di diser sach gezeug . sind mit irn infigeln . Der prief ist geben nach christes
purd dreizehenhundert iar . dar nach in dem drew vnd vierzigistem iar
an sand plasen tag . nach vnser fravn tag sand Marien ze der liechtmesse .