R3_PERIOD_CONTEXTgegeben (1345) an sand Go e rigentag. Source
1345_IV_24.1
AT-StiAG > GoettweigOSB > 1345_IV_24.1
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
Ich Heinrich von Hetzmanstorf Margret mein hausfraw Ich Grug von Tassolstorf Elspet mein hausfraw
Ich Walther von Hetzmanstorf Margret mein hausfraw Und ich Peter und Agnes mein hausfraw und
ich Jacob und Chunigund mein hausfraw Wier vorgenanten und all unser Erben Veriehen an disen prief und
tuen chunt allen den di in sehent oder horent lesen Daz wier an dem Traed tzehent und swaz in den selbn
tzehent gehort swie daz genant ist di wier untz her gesezzen und gestanden haben von unser genae
digen herschaft Abpt Wulfings ze Chotweyg und von dem Gotshaws di umb Hetzmanstorf gelegen
sind chains rechten nicht eniehen noch dor an nicht enhaben weder wier noch unser erben weder von
gewonhait noch von alten rechten noch von newen nuer als vil daz man uns di lazzen hat von sunder
genaden Und swann unser herschaft wil So mugen si di selben zehent lazzen swer in aller peste dor
zu fuegt und wer in aller maist do von geit Und dor zue schull wier dienen und fuedern des
pesten des wier mugen und chain irrung dor an nicht tuen weder mit worten noch mit werchen
als holden ierem rechten herren Und daz selb haben wier unbetwungen und ungenottet gelobt staet
behalten mit unsern trewen Und dor uber zu einer sicherhait haben wier unser vorgenanten her
schaft disen offen prief gegeben zu einem gezeug under der Erbern herren Insigeln her hain
reichs von ymendorf hern Albers von Prawnstorf und hern Piligreims von Prawnstorf Dor
zue habent di Edlen hohgeporn herren Graf Purchhart von Maydburch und her Hans von
Chunning Obrister Schenk in Osterreich und her Hans von Chunning von Seueld auch ieren
Insigel an disen prief geleyt zu einem gezeug Und ist der prief gegeben do man zalt
von christi gepuerd Dreuzehen hundert iar dor nach in dem fumf und vierzigsten iar An sand Gorgen tag
Ich Walther von Hetzmanstorf Margret mein hausfraw Und ich Peter und Agnes mein hausfraw und
ich Jacob und Chunigund mein hausfraw Wier vorgenanten und all unser Erben Veriehen an disen prief und
tuen chunt allen den di in sehent oder horent lesen Daz wier an dem Traed tzehent und swaz in den selbn
tzehent gehort swie daz genant ist di wier untz her gesezzen und gestanden haben von unser genae
digen herschaft Abpt Wulfings ze Chotweyg und von dem Gotshaws di umb Hetzmanstorf gelegen
sind chains rechten nicht eniehen noch dor an nicht enhaben weder wier noch unser erben weder von
gewonhait noch von alten rechten noch von newen nuer als vil daz man uns di lazzen hat von sunder
genaden Und swann unser herschaft wil So mugen si di selben zehent lazzen swer in aller peste dor
zu fuegt und wer in aller maist do von geit Und dor zue schull wier dienen und fuedern des
pesten des wier mugen und chain irrung dor an nicht tuen weder mit worten noch mit werchen
als holden ierem rechten herren Und daz selb haben wier unbetwungen und ungenottet gelobt staet
behalten mit unsern trewen Und dor uber zu einer sicherhait haben wier unser vorgenanten her
schaft disen offen prief gegeben zu einem gezeug under der Erbern herren Insigeln her hain
reichs von ymendorf hern Albers von Prawnstorf und hern Piligreims von Prawnstorf Dor
zue habent di Edlen hohgeporn herren Graf Purchhart von Maydburch und her Hans von
Chunning Obrister Schenk in Osterreich und her Hans von Chunning von Seueld auch ieren
Insigel an disen prief geleyt zu einem gezeug Und ist der prief gegeben do man zalt
von christi gepuerd Dreuzehen hundert iar dor nach in dem fumf und vierzigsten iar An sand Gorgen tag