R2_STRONG
017_H_03
AT-StiAWilten > Urkunden > 017_H_03
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
Wir Hainreich von Gotes gnaden Chunich ze Behaim und ze Polan Herczog in Charnden Graf
ze Tirol und ze Goritz Vogt der Gotzhawser ze Trient ze Chvr und ze Brixsen Ver-
jehen und tvn chunt an disem offen Briefe Daz wir ze ainer ewigen und stæten gechug-
nisse und gedæchtnisse vmb vnser und vnser vordern und nachchomen sel willen und
zu ainer merunge und pezzerunge Gotes dinstes haben mit wol verdachtem mvte und willen
dem chloster ze Wiltain bei Insprukke geben div Gvt div hie nach geschriben stend Dez
ersten zwen Hôfe an der Ambeys die da gelten vierzich phunt perner der ain haizzet
ze Rvdenshawsen und der ander dacz der Ayschen und sind paide gelegen in vnser pharrchirchen ze
Insprukke Dar zu haben wir im geben zwo Gvltigen ze Zirnpach div geltend sehs hvndert
chæse div fvllend aht und dreizzich phunt perner gvt chlain und sint gelegen in vnser Gerichte
Sitz sand peters pharr Dar zu geben wir in und sagen si auch ledich der vierzich phunde
perner div si vns Jærchleich geben habend von der vogtey div in vnser Ampt ze fvlpmez
gehoert In sôlhen beschaidenhait daz div selben gvt mit allem Gvelte swie der genant ist
besvcht und vnbesvcht ez sei zins stivre fvernvzze stellunge dem vorgenantem chloster dvnnen
und wærren svllen in allem dem Rehten als si vns anevalln gedient habend Und dar vmb svllend
der Apt und der Convent des selben chlosters Jærchleichn bei vnser lebendigem leibe vnser Jâr gar
begen des mantags nach der phingst wochen mit vigilie mit placebo mit messen und mit ain offen
spende und mit ain phitancz als sitach und gewonlaich ist Und nach vnser tode awf den tach vns
wir abschaiden Wær aber daz ain gemain gepreste in dem lande wære von chrieg von tewre
von chvme oder von swelher hande gemainem landesgepresten daz wære so svllen si di spende
und die phitancz nach in stân lazzen so si pest mvgend daz dem chloster niht ze swær sei
swelhes Jârs aber der vorgenant Convent von Wiltain daz erste und daz niht anleite dez selben Jârs
sol der Gelt der vorgenante gvte gevallen awf daz spital ze Insprukke Wær ab wir oder vnser erbn
oder nachchomen dem genanten chloster ze Wiltain geben hvndert und zwainzich march perner so
svllent vns div vorgenante gvt und vogtey ledichlaich wider an gevalln und svllnt si dannoch
vnser Jârgar begen als vorgeschribn stat Daz in daz alls stæte und vnprochen beleibe daz
geben wir in disen brief fvr vns und vnser erbn und nachchomen besigelt mit vnser han-
genden Infigel Der ist geben ze Tirol nach christes gebvrt Drivzehn hvndert Jâr
und in dem Driv und dreizzigisten Jâr dez phinztags nach der oster wochen
ze Tirol und ze Goritz Vogt der Gotzhawser ze Trient ze Chvr und ze Brixsen Ver-
jehen und tvn chunt an disem offen Briefe Daz wir ze ainer ewigen und stæten gechug-
nisse und gedæchtnisse vmb vnser und vnser vordern und nachchomen sel willen und
zu ainer merunge und pezzerunge Gotes dinstes haben mit wol verdachtem mvte und willen
dem chloster ze Wiltain bei Insprukke geben div Gvt div hie nach geschriben stend Dez
ersten zwen Hôfe an der Ambeys die da gelten vierzich phunt perner der ain haizzet
ze Rvdenshawsen und der ander dacz der Ayschen und sind paide gelegen in vnser pharrchirchen ze
Insprukke Dar zu haben wir im geben zwo Gvltigen ze Zirnpach div geltend sehs hvndert
chæse div fvllend aht und dreizzich phunt perner gvt chlain und sint gelegen in vnser Gerichte
Sitz sand peters pharr Dar zu geben wir in und sagen si auch ledich der vierzich phunde
perner div si vns Jærchleich geben habend von der vogtey div in vnser Ampt ze fvlpmez
gehoert In sôlhen beschaidenhait daz div selben gvt mit allem Gvelte swie der genant ist
besvcht und vnbesvcht ez sei zins stivre fvernvzze stellunge dem vorgenantem chloster dvnnen
und wærren svllen in allem dem Rehten als si vns anevalln gedient habend Und dar vmb svllend
der Apt und der Convent des selben chlosters Jærchleichn bei vnser lebendigem leibe vnser Jâr gar
begen des mantags nach der phingst wochen mit vigilie mit placebo mit messen und mit ain offen
spende und mit ain phitancz als sitach und gewonlaich ist Und nach vnser tode awf den tach vns
wir abschaiden Wær aber daz ain gemain gepreste in dem lande wære von chrieg von tewre
von chvme oder von swelher hande gemainem landesgepresten daz wære so svllen si di spende
und die phitancz nach in stân lazzen so si pest mvgend daz dem chloster niht ze swær sei
swelhes Jârs aber der vorgenant Convent von Wiltain daz erste und daz niht anleite dez selben Jârs
sol der Gelt der vorgenante gvte gevallen awf daz spital ze Insprukke Wær ab wir oder vnser erbn
oder nachchomen dem genanten chloster ze Wiltain geben hvndert und zwainzich march perner so
svllent vns div vorgenante gvt und vogtey ledichlaich wider an gevalln und svllnt si dannoch
vnser Jârgar begen als vorgeschribn stat Daz in daz alls stæte und vnprochen beleibe daz
geben wir in disen brief fvr vns und vnser erbn und nachchomen besigelt mit vnser han-
genden Infigel Der ist geben ze Tirol nach christes gebvrt Drivzehn hvndert Jâr
und in dem Driv und dreizzigisten Jâr dez phinztags nach der oster wochen