Wir Hainrich von gottes genaden Khünig zue Pehaim, vnd
zue Polan, Herzog zue Khärndten, Graaf zue Tyroll vnd zue
Gerz, veriechen offentlich vnd thuen khundt allen den
diser Brief herent oder lesent, daß ein grosser Krieg
vnd Misshellung für vns khomen, die waren zwischen
den gaistlichen Herrn des wirdigen Abbt Cůnrad
vnd des Conuents des Gotshauß Wilthein an ainen thail,
vnd zwischen den geswornen vnd der Gemain der Burger
vnser Stat zue Ynnsprugg an dem andern thail, vnd der
Krieg was nemblich vmb den Khraut Zehenten von den
Garten derselben Statt, vnd vmb ein Meß, vnd versehung
der Capellen des Spittals zue Ynnsprugg bey dem obern thor,
da man ausgehet gehn Wiltein, vnd auch vmb andern
Chrieg die vormahlen versiden vnd vertriben waren
zwischen inen, vnd auch an etlicher Statt vbervaren
waren. Derselben Chrieg vnd Auflauf sein sy baident=
halben hinter vns gangen mit verdachtem Muet, daß
wier Gewalt haben zue vns zue nemen wen wier wellen,
der guet darzue ist, vnd was wier zwischen inen darvber
versiden vnd gesprechen mit Minn oder mit Rechten, daß
sy das baidenthalben stät vnd vest sollen behalten,
vnd darwider nit sollen thuen bey so gethanen Püenden,
vnd Penuen, als sy hernach geschriben stehen.
Da namen wier zue vns die erbarnn Herrn, Her Hainrich