Research catalogue

Explore the charters

Search simply first. Refine only when the research question requires it.

PERG_Firbas_16810915

CZ-ANM > Firbas > PERG_Firbas_16810915

Source: MonasteriumAI palaeographyAI interpretation
Page 1 / 2
PERG_Firbas_16810915, page 1
View
Transcriptiongemini-3.1-pro-preview
GEORGIUS SENEL
Societatis JESU
Cæsarei, & Academici Collegij ejusdem Societatis JESU
Pragæ ad S(anct)um Clementem
Apothecarius.

Cùm honesta petentibus denegari non possit assensus, ijs præsertim, qvi ad Sanitatem,
& salutem publicam humani generis omnia sua studia, et labores diurnos pariter, ac nocturnos con-
tulerunt, & multorum annorum spatijs bono publico laborârunt; ob eam causam petenti, et à me flagi-
tanti Ingenuo & Honesto Juveni JOANNI MICHAËLI FIRBAS Jessenicensi Bohemo, Pharmacopoeæ
Artis Studioso, et in ea diligenter versato, trium lingvarum bene perito, debitum testimonium negare nullo
modo potui, præsertim, qvòd me maximè conscium habeat suorum laborum, ac meritorum. Testor igitur
prædictum Honestum Juvenem Joannem Michaëlem pluribus in locis, et annis jam priùs laudatum, et mihi à
diversis ob Pharmaceuticæ artis scientiam commendatum, talemq(ue) repertum, laudabiliter annis tribus & ampliùs in
nostro Pharmacopæo Pragensi (præsertim sævissimæ Pestis tempore, cum gravi vitæ suæ periculo) me etiam aliqvo tempo-
re absente, tam fideliter Socij munus per totum hoc triennij tempus gessisse, ut tam in Chimicis, qvàm Galenicis Me-
dicinis miscendis, & præparandis laudem summam apud peritissimos hujus Inclytæ Urbis Medicos Doctores retu-
lerit, consecutusq(ue) sit, et nisi intentio ejus, et experiendi studium, (qvod ars nostra reqvirit) aliud svaderet, invitus
à me dimitteretur. Eum igitur Salutem, & Sanitatem, & Pharmaceutriam amantibus, qvantum possum, commendo,
& si fides non habeatur veteri proverbio, ad experiendum provoco. In omnium istorum fidem Literas hasce di-
missorias subscripsi, et sigillo Societatis nostræ communivi. Dabam Pragæ in Pharmacopæo Collegij nostri Clemen-
tini, Die 15. Septembris Anno M. DC. LXXXI

Ego Infrascriptus Ordinarius
Collegij Soc(ietatis) Jesu Medicus, ea quæ
in laudem Optimi Juvenis dicta
sunt, assero esse verissima.
D(octo)r Jacobus Dobrzensky
de Nigro Ponte.

Eadem, et ego Ejusdem Collegij Medic(us) Ordinarius
pro majori Præfati Juvenis recommendatione
assero, et confirmo. Joannes Henricus Proxa

Ego Simon Aloysius Tudecius
Phil(osophiæ) et Med(icinæ) D(octo)r et ejusdem Collegij
Ordinarius idem assero m(anu) p(ropria)

Georgius Senel
Societatis JESU m(anu) p(ropria)

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.