Innocentius ep(iscopu)s seruus seruo(rum) dei Venerabilibus fratribus .. Archiep(iscop)o Salzeburgen(si) eiusq(ue) Suffraganeis Sal(u)t(em) et ap(osto)licam ben(edictionem). In redemptoris n(ost)ri domini Ih(es)u xp(ist)i per quem saluati et liberati sumus sacratissima
passione sic nos gloriari oportet ut ip(s)ius passionis cuncta mysteria dinumerantes et merita in singulis etiam eius salutaribus instrumentis et fructibus gloriemur inter que illud celebriter memorandum est q(uo)d ip(s)e
Saluator emissis in cruce iam spiritu sustinuit perforari lancea latus suum ut inde sanguinis et aque profluentibus undis formaretur unica et inmaculata ac uirgo sancta mater eccl(esi)a sponsa sua. O beatissima ip(s)ius
sacri lateris apertura unde nobis tot et tanta diuine pietatis dona fluxerunt hinc siquidem i(n)te redemptio(n)is p(re)cium hinc ablutionis et regenerationis lauacrum hinc ip(s)ius eccl(esi)e sacramenta suscepimus. O felix lancea
que tot bona nobis efficere et ad tanti triumphi gloria(m) meruit superaddi hec latus ip(s)u(m) aperiendo sacratissimum nobis hostium celestis aperuit hec uulnerando iam mortuum uulnera n(ost)ra sanauit uitamq(ue) nobis reddidit et
salutem hec innoxium transfigendo illius sanguine culpas n(ost)ras abstersit et demum eidem undis sacratissimis inmaculate uel tenebras sustulit et nos ip(s)ius diuine pietatis fluminib(us) mundauit. Illiq(ue) etiam dulces claui cum
quibus ip(s)e Saluator e(ss)e cruci fuit affixus quiq(ue) non solum eius inmaculato respersi sanguine et molem tocius tante tocius se meruerunt s(ed) et nos etia(m) per ip(s)os saluberrimis plagis dulcedinem tantam ip(s)ius diuine caritatis accepimus
ut manus n(ost)re a peccati solute nexibus pedesq(ue) n(ost)ri a mortis laqueo fuerunt liberati sunt deuotissime recolendi. Quid enim uulneri et plagis huiusmodi sanctius quid eis salubrius ex quibus salus n(ost)ra processit et in quibus assi
due curare se possunt anime deuoto(rum). Licet igitur lancea et claui p(re)dicti aliaq(ue) ip(s)ius passionis saluberrima instrumenta sint a cunctis xp(ist)i fidelibus ubilibet ueneranda et de ip(s)a etia(m) passione in eadem eccl(esi)a sole(m)nia annis singu
lis officia celebrentur et fiant dignum tamen et conueniens reputamus ut de ip(s)ius passione specialibus instrumentis et presertim in partibus in quibus instrumenta ip(s)a dicuntur haberi solemne ac speciale festum celebretur et fiat.
Nosq(ue) illos xp(ist)i fideles qui aliqua ex instrumentis ip(s)is habere se gaudent in eo(rum) deuotione diuinis officiis atq(ue) muneribus specialiter foueamus. Sane oblata nobis nuper pro parte Carissimi in xp(ist)o filij n(ost)ri Karoli Roman(orum) et
Boemie Regis Illustris petitio continebat q(uo)d ip(s)e inter sacras reliquias que Inperiales uulgariter nuncupantur quasq(ue) tanqua(m) pretiosissimus Inperij Roman(i) thesaurus consueuerunt per Roman(os) Reges seu Imperatorem qui est pro tem
pore conseruari ac reuerentissime etiam honorari habet in sua custodia p(re)dictam sacratissimam lanceam necnon unum ex clauis p(re)dictis prout p(re)decessores sui clare memorie catholici Roman(i) Reges seu Imperatores etia(m) habuerunt
et q(uo)d ad ip(s)as reliquias habetur in illis partibus magna deuotio et concursus etia(m) populo(rum). Quare dictus Rex uelut Princeps catholicus zelo deuotionis accensus nobis humiliter supplicauit ut de ip(s)is lancea et clauis tam pro
eo(rum) ueneratione maiori quam pro Roman(i) Imperij fauore et honore p(re)cipue festum in Alaman(n)ie et boemie partibus perpetuo celebrari statuere ac p(re)cipere dignaremur. Nos itaq(ue) cupientes q(uo)d ip(s)i lancea atq(ue) claui in partibus
maxime in quibus habentur et etiam conseruantur tanto ab ip(s)is xp(ist)i fidelibus deuotius uenerentur quanto ip(s)is ip(s)o celebriorem altissimo cultum uiderint exhiberi deuotis quoq(ue) eiusdem Regis supplicationibus inclinati ap(osto)lica auctorita
te statuimus et ordinamus ad ip(s)ius Saluatoris n(ost)ri laudem et gloriam dicteq(ue) passionis sue reuerentiam gloriosam de premissis lancea et clauis et sub eo(rum) uocabulo proprium festum cum speciali officio per aliquos prelatos
catholicos et alios uiros diuine peritos quos idem Rex ad hoc eligendos duxerit ordinando Sexta feria post Octauam Resurrectionis dominice Annis singulis a xp(ist)i fidelibus in eisdem Alaman(n)ie et Boemie partibus per
petuo solemniter celebraretur. Et ut fideles ip(s)i ad uenerationem ip(s)o(rum) lancee et clauo(rum) feruentius animarentur eo(rum) de eccl(esi)am uel Capellam in qua forent et ad celebrationem festi et officij p(re)dicto(rum) libentius confluerent
que ibidem uberius dono celestis gratie reficerent de o(mn)ipotentis dei misericordia et beato(rum) Petri et Pauli Ap(osto)lo(rum) eius auctoritate confisi omnibus uere penitentibus et confessis qui in die festi huiusmodi ipsam eccl(esi)am
uel capellam in qua tunc lancea et clauus ip(s)i forent ut p(re)fertur deuote uisitauerint annuatim Tres Annos et Tres Quadragenas singulis uidelicet ip(s)ius festi diebus quibus eccl(esi)am uel Capellam ipsam uisitauerint eis uero qui eadem
die in missa et singulis horis canonicis ubiq(ue) in p(re)sentia dicti Regis et successorum suo(rum) catholicorum Roman(orum) Regum seu Imperatorum qui pro tempore forent diuinis interessent tam missis quam in singulis horis eisdem Centum
dies in qualibet uidelicet missa et singulis horis eisdem quibus in p(re)sentia Regis uel successor(um) suo(rum) p(re)dicto(rum) diuinis ip(s)is interessent ut p(re)fertur de iniunctis eis penitentijs diuinius misericorditer relaxantes. Quocirca frater
nitatem u(est)ram monemus et hortamur in domino per ap(osto)lica uobis scripta mandantes quatinus singuli u(est)r(u)m premissa cum ad noticiam u(est)ram peruenerint in singulis u(est)ris Ciuitatibus et dio(cesibus) per uos uel alios ubi et quando uobis expe
dire uidebitur solemniter publicare curetis dictumq(ue) festum p(re)fata die Annis singulis ut p(re)mittitur celebretis et faciatis ab alijs celebrari. Dat(um) Auinion(e) Id(us) Februarij Pontificatus n(ost)ri Anno Secundo ;)

Transumptum .).