Nos frater Johannes diuina miseracione Abbas . totusq(ue) Conuentus Monasterij Parysien(sis) . Ordinis
Cystercien(sis) . Basilien(sis) dyoces(is) . Recognoscimus . et tenore presencium publice profitemur . Quod considerantes eximie
deuocionis affectum . quem serenissimus princeps . et d(omi)n(u)s noster serenissimus . d(omi)n(u)s Karolus Romanor(um) Rex . semper
Augustus . et Boemie Rex . ad treme(n)das . ac sacratissimas . sancte dominice Crucis reliquias . habere
dignoscitur . deliberato . ac maturo prehabito consilio . no(n) coacti . non compulsi . nec aliquo dolo . siue fraude
circumuenti . sed sponte et libere . eiusdem d(omi)ni n(ost)ri Regis . pijs . ac celestibus satisfacere cupientes desi
derijs . de Tabula reliquiar(um) quam scilicet recordacionis . venerabilis pater . d(omi)n(u)s Martinus . quondam
predicti Monasterij n(ost)ri Abbas predecessor noster . qui ex speciali indultu . et licencia . d(omi)ni p(a)pe . tunc temporis
contra scismaticos et infideles . passagium Marinu(m) . uersus Ciuitatem Constantinopolim faciendo . et
Crucem ibidem predicando . de predicta Ciuitate Constantinopoli . usq(ue) ad locum . predicti Monasterij n(ost)ri
secum asportauit . Et in qua quidem Tabula . pars Ligni . s(an)c(t)e dominice Crucis . recondita extitit
et quam ibidem Constantinopolis obtinuit . eidem d(omi)no n(ost)ro Regi . certam partem et porcion(em) . dicti ligni
sancte Crucis . a posteriori parte predicte Tabule excisam et extractam . ad deuotam peticion(em) sue instanciam
tradidimus et liberaliter duximus assignandam In cuius rei testimonium . presentes l(itte)ras scribi . et
Sigillorum n(ost)ror(um) appensione . fecimus communiri . Dat(um) in keysersperch Anno d(omi)ni Millesimo
Trecentesimo Quinquagesimo quarto . Jndiccione septima . xiiij . k(a)l(enda)s Junij ;