In no(min)e d(omi)ni Am(en). Quod Beatissimus Marcus Euuangelista Principis Ap(osto)lorum discipulus et per baptismum filius adoptiuus,
ab ore ip(s)ius veri testis sacrum Euuangelium scripserit latino sermone, quodq(ue) ad p(re)dicandum verbum veritatis Aquilegiam tocius
Jtalie Ciuitatem famosissimam missus fuerit, apud quam eciam Euuangelium manu scripsit p(ro)pria, sacris demonstratur eulogijs,
testantur Annalia, et veris ac manifestis est indicijs approbatum. Cum itaq(ue) hui(us)mo(d)i thesausus p(re)ciosissimus in theca venerande
Aquilegen(sis) eccl(esi)e, reconditus ab inicio militantis eccl(esi)e usq(ue) ad hec t(em)p(or)a fuerit non absconsus. Nos Nicolaus dei gratia Sancte
Sedis Aquilegen(sis) p(at)riarcha ad p(re)sencium noticiam et memoriam deducimus futurorum, q(uod) Serenissimus p(ri)nceps virtutum
omnium speculum et exemplar d(omi)n(u)s Karolus dei gratia Romanor(um) Rex semper Augustus et Boemie Rex, uelut prudens negoci
ator et solicitus non violencia neq(ue) venali com(er)cio sed humilitatis et feruentis fidei zelo atq(ue) lacrimar(um) fluentium p(re)cato compatiuo
desiderauit partem postularit hui(us)mo(d)i sacratissime margarite. Nos aut(em) vocatis dilectis filijs n(ost)ris, Diacono et Capit(u)lo p(re)dicte
Aquilegen(sis) eccl(esi)e, cum eisdem matura deliberacione, pensantes q(uod) talentum hui(us)mo(d)i sic diuisum non diminucionem recipit sed
augmentum, et q(uod) lucerna hec tradita ad lucem trahitur aliorum, necnon mandatorijs incliti si(ue) supplicacionibus, tam pie tamq(ue)
deuote n(ost)ra pectora demulcentis partem libri Euuangelij sup(ra)dicti, a verbo videlicet, ill(u)d quod dicit Septem ergo fratres erant
xxxviij capit(u)lo, usq(ue) ad finem eiusdem Euuangelij approbante, laudante, et consentiente vnanimiter toto Capit(u)lo n(ost)ro, deuote
sponte, et libere duximus concedendam. Quam quidem partem mitissimus Rex viros animos ex libri diuisione, exasperare ti
mubans de verbo ad uerbum per fidedignas personas, absq(ue) lit(er)ar(um) uel sillabar(um) aut diccionis, puncti, uel diptongi diminuc(i)o(n)e
transcribi iussit, et mandauit, et diligencius examinata carta transcripta cum textu originali, vt res integra maneat, et
transcripto p(re)dicto fides p(er)petuo adhibeatur plenaria, illud insigniri voluit suo typario maiestatis. Jp(s)e aut(em) d(omi)n(u)s Rex p(re)dicte
eccl(esi)e, p(re)fatam partem nobis dicti euuangelij reseruatam, in euius deuote, et fideliter conseruandam. Hec aut(em) n(ost)re et dicti
n(ost)ri Capit(u)li concessionis litteras, ne forte in posterum, partem p(re)dictam non esse sponte concessam, sed insolenter fore surreptam
quis maliuole hesitet, scribi in p(re)missorum testimonium iussimus, et n(ost)ri Sigilli munimine roborari. Dat(um) Vtini die
decimoseptimo mensis Octobris, Anno d(omi)nice Natiuitatis Mill(esim)o Trecentesimo quinquagesimoquarto, Jndic(i)one Septima.