Arnestus dei et apostolice sedis gracia Archiepiscopus sancte Pragen(sis) Ecclesie ad perpetuam rei memoriam. Sanatissimum in christo patris et domini nostri domini Vrbani diuina prouidencia Pape quinti litteras eius vera Bulla plumbea in
filis sericeis bullatas omni suspicione carentes recepimus quarum tenor sequitur in hec verba Vrbanus Episcopus seruus seruorum dei Venerabili fratri Arnesto Archiepiscopo Pragen(si) Salutem et apostolicam ben(edictionem) Racionis ordo exigit et
conuenit honestati ut ea que de Romani Pontificis gracia processerunt licet eius superueniente obitu littere apostolice super illis confecte non fuerint suum sorciantur effectum Dudum siquidem pro parte tua exposito felicis
recordacionis Innocencio pape Sexto predecessori nostro quod tu ad honorem dei et diuini cultus ac sacre religionis augmentum pro tua et omnium fidelium animarum salute parrochialem Ecclesiam in Rokyczano tue dio
cesis ad collacionem Archiepiscopi Pragen(sis) qui est pro tempore pertinentem et in prouentibus habundantem in regularem et Conuentualem preposituram erigere ac in ea instituere Conuentum Seu Canonicorum
ordinis sancti Augustini quorum Vnus esset prepositus qui alijs preesset et ipsius animarum curam gereret et alius curam animarum parrochianorum eiusdem Ecclesie exerceret instituere ac pro premissis sufficientem
dotem assignare ex qua Vnacum alijs redditibus dicte ecclesie prepositus et alie persone dicti Conuentus alijque seruitores et ministri eiusdem prepositure congrue sustentari et tam solita ipsius Ecclesie quam alia
eidem collegio incombencia onera supportare valerent et insuper statuta et ordinaciones salubria iuxta que prepositus et Canonici antedicti uiuere deberent edere et facere desiderabas et eciam proponebas et eidem
predecessori pro parte tua humiliter supplicato ut tibi licenciam premissa faciendi dictosque Ecclesiam redditus et prouentus ipsius Ecclesie ad Rectorem ipsius ecclesie qui tunc erat spectantes eidem preposito et Con
uentui auctoritate apostolica uniendi ita quod ipso Rectore cedente uel decedente aut ecclesiam ipsam quomodolibet dimittente dicti prepositus et Conuentus Ecclesie ac fructuum reddituum et prouentuum eorundem
possessionem cuiuscumque licencia minime requisita propria auctoritate apprehendere et retinere ipsosque fructus redditus et prouentus in suos usus Vnacum alijs fructibus redditibus prouentibus percipiendis ex dote
quam ipsis preposito et Conuentui assignandam duxeres ut prefertur licite ualerent concedere de benignitate apostolica dignaretur idem predecessor huiusmodi tuum pium commendans propositum peticioni
tue supplicacionibus inclinatus faciendi omnia et singula supradicta necnon contradictores quoslibet et rebelles per censuram ecclesiasticam appellacione postposita compescendi Non obstantibus si aliqui super prouisionibus
omnibus sibi faciendis de huiusmodi ecclesijs uel alijs beneficijs ecclesiasticis in illis partibus speciales uel generales dicte sedis uel legatorum eius litteras impetrassent eciam si per eas ad inhibicionem reseruacionem et decre
tum uel alias quomodolibet esset processum quas litteras et processus habitos per easdem ad dictam Ecclesiam uoluit non extendi sed nullum per hoc eis quo ad assecucionem ecclesiarum ac beneficiorum aliorum pre
iudicium generari et quibuscumque priuilegijs indulgencijs et litteris apostolicis generalibus uel specialibus quorumcumque tenorum existant per que suis litteris si super hijs confecte fuissent non expres
sa uel totaliter non inserta effectus earum impediri ualeret quomodolibet uel differri et de quibus quorumcumque totis tenoribus habenda fuisset in ipsis litteris mencio specialis plenam et liberam fraternitati
tue videlicet .v. kalendas maij pontificatus sui anno Nono tribuit et concessit ita tamen quod per hoc nullum dicto Rectori eiusdem ecclesie qui tunc erat posset preiudicium generari ac decreuit extunc irritum
et inane si secus super hijs a quoquam quauis auctoritate scienter uel ignoranter contingeret attemptari Verum quia ipsius predecessoris superueniente obitu littere apostolice super hijs confecte no(n) sunt Nos ne
propterea dicte gracie frustretur effectus uolumus et apostolica auctoritate decernimus quod dicta concessio per eundem predecessorem tibi facta perinde effectum sorciatur ac si eiusdem predecessoris littere sub ipsius
die dat(e) confecte fuissent prout superius enarratur quodque presentes littere ad probandum plene concessionem antedictam ubique sufficiant nec ad id probacionis alterius adminiculum requiratur Nulli
ergo omnino hominum liceat hanc paginam nostre voluntatis et constitucionis infringere uel ei ausu temerario contraire Siquis autem hoc attemptare presumpserit indignacionem omnipotentis
dei et beatorum Petri et Pauli apostolorum eius se nouerit incursurum Datum Auinion(e) .ij. Idus Nouembris pontificatus nostri Anno primo Nos vero dictis litteris receptis et earum tenore conside
to sapientum consilio prehabito ad honorem dei omnipotentis et gloriose virginis matris eius quare et omnium sanctorum dictam ecclesiam parochialem in Rokyczano in regularem et Conuentualem
preposituram ereximus et exauimus erigimus et altamus ac in ea instituendum duximus et instituimus Conuentum Seu Canonicorum ordinis sancti Augustini sic quod Vnus eorum sit prepo
situs qui alijs preesse debeat et presit et ipsorum curam gerere debeat et gerat animarum et alius ecclesie pro canonicis curam animarum parrochianorum eiusdem ecclesie exerceat seu debeat exercere Insuper dictam
ecclesiam parochialem in Rokyczano et redditus et prouentus ipsius ecclesie parrochialis ad rectorem ipsius ecclesie parrochialis qui siue pro tempore spectantes eidem preposito et Conuentui auctoritate apostolica
supradicta Vniuimus et Vnimus ita quod ipso Rectore cedente uel decedente aut ipsam Ecclesiam parochialem quomodolibet dimittente dicti prepositus et Conuentus Ecclesie ac fructuum reddituum et prouen
tuum eorundem possessionem cuiuscumque licencia minime requisita propria auctoritate apprehendere et retinere ipsosque fructus redditus et prouentus in suos usus conuertere licite valeant concedimus
auctoritate apostolica supradicta Et quia arduis negocijs prepediti constitucionem et statuta dicam ac alios expedicionum que nobis dicta auctoritate apostolica sunt commissa ad presens intendere non valemus super hijs omni
be nobis auctoritatem plenariam reseruamus Promittentes eciam quod dotacionem de qua in dictis litteris apostolicis habetur mencio auctore deo predictis in proximo quam cicius in nostris sumus inpediti cessantibus indubitanter
faciemus et ad effectum plenarium deducemus Inhibemus insuper omnibus et singulis christifidelibus presentibus et futuris ne predictas nostras ordinaciones et disposiciones quacumque occasione uel causa infringere
attemptent uel presumant aut eisdem ausu quocumque contraire decernentes irritum et inane si secus super hijs a quoquam quauis auctoritate de cetero contigerit attemptari In quorum omnium
testimonium et firmitatem perpetuam has nostras litteras sigillorum nostrorum appensione iussimus communiri Datum Prage Anno domini Millesimo Trecentesimo Sexagesimotercio die Decimaoctaua men
sis Augusti .