Pileus miseratione diuina tit(uli) Sanctae Praxedis Presbyter Cardinalis, ad infra scripta Ap(osto)lica auctoritate suffulti. Vniuersis Chri(sti)
fidelibus praesentes l(itte)ras inspecturis, Salutem in Domino. Splendor aeternae gloriae qui sua mundum illuminat ineffabili claritate,
pia uota fidelium de clementissima ipsius Maiestate sperantium, tunc praecipue pio fauore prosequitur, cum deuota ipsoru(m)
humilitas Sanctorum precibus et meritis adiuuatur, ac Christifideles eo libentius ad deuotionem confluunt, quo ibidem uberius
dono caelestis gr(ati)ae conspexerint se refectos. Cum ig(itu)r dilectus in Chro(sto) Ernestus rector Capellae Sanctae Ludmillae in Castro Telyn Pragen(sis)
dioecesis ad ipsam Capellam, specialem gerat deuotionem et affectionem prout accepimus, nobisq(ue) humiliter supplicauit, ut pro
deuotione ipsius augmentanda, sp(irit)ualia munera largiri dignaremur. Nos dictis supplicationibus fauorabiliter annuentes:
de omnipotentis Dei misericordia, ac B(ea)torum Petri et Pauli Ap(osto)lorum eius meritis et auctoritate praedicta confisi, omnibus
uere poenitentibus et confessis, qui dictam Capellam in festiuitatibus infra scriptis ui(delicet) Natiuitatis, Circumcisionis, Epiphaniae,
Resurrectionis, Ascensionis, Pentecostes, Sanctae Trinitatis, Corporis Chri(sti) singulisq(ue) festiuitatibus Beatae Mariae Virginis et S(anc)tor(um)
Ap(osto)lor(um) et Eua(n)gelistar(um), et Sancti Michaëlis, S(anc)ti Joh(ann)is Bapt(ist)ae, et SS. Martyrum et Patronorum Viti, Wenceslai, Procopii, Quirini,
~Trium~, Adalberti, Laurentii, Stephani, Georgii, ac Confessorum Nicolai, Martini, Aegidii, et S(anc)tarum Virginum, Catharinae,
Margarethae, Dorotheae, Ludmillae passionis et translationis eiusdem, nec non singulis diebus D(omi)nicis, Dedicationis, deuote uisi=
tauerint, et qui sepulchrum S(anc)tae Ludmillae causa peraginationis seu deuotionis accesserint, aut qui Corpus Christi, cum
infirmis portatur, secuti fuerint: Nec non cum ad Aue Maria pulsatur, ter ob reuerentiam gl(ori)osae Virginis, Aue Maria
dixerint, et qui manus eidem Capellae porrexerint adiutrices Centum dies de iniunctis eis poenitentiis auctoritate
praedicta misericorditer in D(omi)no relaxamus. Datum Veronae Pragen(sis) Dioecesis iiij kal(endas) nouembr(is). Pontificatus San=
ctissimi in X(rist)o P(at)ris et d(omi)ni n(ost)ri d(omi)ni Vrbani diuina prouidentia p(a)p(a)e. vj. Anno tertio.