In nomine domini amen. Noverint universi et singuli presens publicum instrumentum inspecturi, quod anno a nativitate eiusdem millesimo trecentesimo nonagesimo secundo, indiccione prima, die vero decima nona mensis Novembris, hora vesperorum vel quasi, pontificatus sanctissimi in Christo patris et domini nostri domini Bonifacii divina providencia pape noni anno tercio, in mei notarii publici et testium subscriptorum ad hoc specialiter vocatorum et rogatorum presencia constitutus personaliter honorabilis vir dominus Iohannes dictus de Tizemicz, presbiter Pragensis diocesis, habens et tenens in manibus suis quasdam litteras apostolicas sanctissimi in Christo patris et domini nostri domini Bonifacii divina providencia pape noni, eius vera bulla plumbea cum cordula canapis more Romane curie bullatas, sanas et integras, non viciatas, non cancellatas nec in aliqua sui parte suspectas, sed omni prorsus vicio et suspicione carentes, prout in eisdem prima facie apparebat, tenorem qui sequitur de verbo ad verbum continentes: Bonifacius episcopus servus servorum dei venerabili fratri episcopo Pragensi et dilectis filiis decano et capitulo ecclesie Pragensis salutem et apostolicam benediccionem. #15l
Et ego Iohannes dictus de Tizemicz, clericus Pragensis diocesis, publicus imperiali auctoritate notarius, quia premissis omnibus et singulis, dum sic ut premittitur agerentur et fierent, una cum prenominatis testibus presens interfui eaque sic fieri vidi et audivi, ideo hoc presens publicum instrumentum per alium fideliter scriptum exinde confeci et in hanc publicam formam redegi signoque meo solito et consueto signavi rogatus et requisitus in fidem et testimonium omnium premissorum.