Wir wenczlaw von gotis gnaden Romischer konig zcu allen geczieten merer des Richs
vnde konig zcu Behemen zc(etera) Bekennen vnde thun kunt offinlichen mit diesem briefe all(e)n
den die en sehn ader horen lezen daz wir angeschn haben des edeln heinzesten Burggraffen
von donyn getrauwe vnde redeliche dinste die er vns vnde vnser krone zcu Behemen
manchfeldig gethan hat vnde noch thun mag vnde sal ynkunfftigen czieten so ha
ben wir mit wolbedochtem mute gute rate vnde rechten wissen gegeben dem eg(nan)nten
Jesten von donyn vnde allen synen erben vnde wer diesen brieff mit irem gute willen ynne
hat vnsir czwey dorffer mit namen pulchow vnde linaw vnde darczu yn teziskelub seben be
sattzer huffen die em vnde synen erben vnde wer diesen brieff mit irem gute willen yn
ne hette dynen sullen zcu vnserm slosse konigistein daz von vns vnde vns(er)m Brudere Si
gimund konige zcu vngern zc(etera) em vnde synen erben versatzt ist vnde en dor vff uorschreben
drittehalb thewsent schock grosschen als daz ir howbtbrieff vßwiest die eg(nan)nten dorffer
mogen sie vnde sullen gebruchen zcu dem eg(nan)nten slosse ader sust mit wache ader czinsen
wie en daz gefellet ane allerleye hindernisse alle die wile daz eg(nan)nte sloß von vns vnde
vnsern nochkomenden konigen von en vnde iren erben nicht gelost wirt als ir howbtbrieff
dorober awßwiest zc(etera) mit orkunde dis briefis versigilt mit vns(er) koniglichen maiestat inge
sigil Gegeben zcu prage noch crists gebort bierczehnhundert iar vnde dor noch yn dem
dritten iare des fritages vor Sente Th(om)as tage des heilgen zwelfboten vnser reichs des
Behemischen yn dem eynvndedreissigisten vnde des Romischen yn dem achtvndeczwenci
gisten iare.