Gregorius Ep(iscopu)s servus servorum Dei Dilectis filiis Clero Civitatis et diocesis Bru=
nen(sis) sal(u)t(em) et Ap(osto)licam ben(edictionem) Hodie Venerabilem Fratrem Nostrum Antonium Ernestum Comitem a Schaffgot=
sche olim Ep(iscopu)m Aureliopolitan(um) in partib(us) infidelium electum a vinculo quo Ecclesie Aureliopolitane
que in partibus infidelium consistit et cui tunc preerat tenebatur de Venerabilium Fratrum Nostrorum
Sancte Romane Ecclesie Cardinalium consilio et Ap(osto)lice potestatis plenitudine absolventes eum ad Ecclesiam
Brunen(sem) Certo tunc vacat(i)o(n)is modo Pastoris solatio destitutam de simili consilio Ap(osto)lica auct(oritat)e transtulimus
ipsumque illi in Ep(iscopu)m prefecimus et Pastorem curam et admin(istrati)o(n)em ipsius Ecclesie Brunen(sis)
sibi in sp(irit)ualibus et temporalibus plenarie committendo prout in nostris inde confectis litteris plenius contine=
tur Quocirca discretioni vestre per Ap(osto)lica scripta mandamus quat(enus) eundem Antonium Ernestum Ep(iscopu)m
tamquam Patrem et Pastorem animarum vestrarum grato admittentes honore et exhibentes ei obedientiam
et reverentiam debitas et devotas eius salubria monita et mandata suscipiatis humiliter et efficaciter ad=
impleatis ita quod ipse in vobis devotionis filios et vos in eo per consequens patrem pium vos invenisse gaudeatis alioquin sententiam quam idem Antonius Ernestus Ep(iscopu)s tulerit in rebelles ratam
habebimus et faciemus auctore domino usque ad satisfactionem condignam inviolabiliter observari
Datum Rome apud Sanctum Petrum Anno Incarnationis Dominice Millesimo Octingentesimo
Quadragesimo Primo Sexto Kalendas Februarii Pontificatus Nostri Anno Undecimo

Sassi

Antonucci