GREGORIUS PP. XVI.
Venerabilis Frater Salutem et Ap(ost)licam Benedictionem. Cum, sicut Nobis nuper exponi fecisti, Tu propediem, benedicente D(omi)no, ad Ecclesiam
tuam Brunen(sem) accedere intendas; Nos animarum Christifidelium tuae curae commissarum saluti paterna charitate consulere, Teque
specialibus favoribus et gratiis prosequi volentes, omnibus utriusque sexus Christifidelibus vere poeniten(tibus) et confessis ac S. Communione re=
fectis, qui primae Missae, quam in dicta Brunen(si) et deinde in aliis locorum insigniorum tuae Dioecesis p(raedic)tae Ecclesiis in Pontificalibus
celebrabis, ac Benedictioni per Te supra Populum post Missarum solemnia largiendae devote interfuerint, seu Ecclesiam in qua Missas
celebrabis eodem die devote visitaverint, et ibi pro Christianorum Principum concordia, haeresum extirpatione, ac S. Matris Ecclesiae
exaltatione pias ad Deum preces effuderint, Plenariam omnium peccatorum suorum Indulgentiam et remissionem misericorditer
in D(omi)no concedimus. Praesentibus pro hac vice tantum valituris. Datum Romae apud S. Petrum sub Annulo Piscatoris die XXVIII.
Januarii MDCCCXLII. Pontificatus Nostri Anno Undecimo.
Gratis
A. Card. Lambruschini