GREGORIUS PP. XVI.
Venerabilis Frater Salutem et Ap(osto)licam Benedictionem. Cum, sicut Nobis nuper exponi fecisti, Tu prope diem, benedicente Domino, Ecclesiam Tuam
Brunensem pro prima vice visitare intendas, Nos Animarum Christifidelium tuae curae commissarum saluti, quantum cum D(omi)no possumus,
consulere, Teque specialibus favoribus et gratiis prosequi volentes, Omnibus utriusque sexus Christifidelibus vere poeniten(tibus) et confessis ac Sacra
Communione refectis, qui die, qua dicta prima vice tuam, vel aliquam ex Ecclesiis locorum insigniorum tuae Dioecesis Brunensis in
actu Visitationis per Te respective faciendae devote visitaverint, et ibi pro Christianorum Principum concordia, haeresum extirpatione, ac
S. Matris Ecclesiae exaltatione pias ad Deum preces effuderint, plenariam omnium peccatorum suorum Indulgentiam et remissionem
misericorditer in Domino concedimus. Praesentibus pro hac vice tantum valituris. Datum Romae apud S. Petrum sub annulo Piscatoris
die XXVIII. Januarii MDCCCXLII. Pontificatus Nostri Anno Undecimo
~A. Card. Lambruschini~