NOS CONSVLES CÆTERIQVE IVRATI ME
TROPOLITANÆ VRBIS OLOMVCENSIS, NOTVM ET TESTATVM FACIMVS TENO
re Præsentium Omnibus et Singulis quorum interest aut intererit Nobilem ac Generosum Dominum Ferdinandum Ju
lium Zirckhendorffer Sac(rae) Cæs(areae) Maiest(atis) Regium Judicem Nostrum, Nobis in Consilio sedentibus proposuisse et expetijsse, Quatenus
Filio Suo Joanni Christophoro Zirckendorffer legitimæ suæ Natiuitatis Testimonium dare vellemus producendo coram Nobis Nobilem et Consultissi
mos DD Wenceslaum Meixner de Lüttich Primarium Consulem, et Joannem Christophorum Siampa, una Consulem, Collegas Nostros, Qui
discoopertis verticibus dexterisq(ue) erectis Juramentum de more Institutisq(ue) Curiæ Nostræ deponentes, Vnanimiter Testati sunt, Prænominatum Joannem Chri
stophorum Zirckendorffer a Supramemorato Nobili et Generoso Domino Ferdinando Julio Zirckendorffer Patre, et Matre Domina Eu
phrosina Paulina Zirckendorfferin, Nata Eckhartin de Rosenthal, iuxta ritum Sacro Sanctæ Romanæ Ecclesiæ legitime copulatis, de legitimo
et Honesto connubiali Thoro progenitum, atq(ue) Anno Millesimo Sexcentesimo Trigesimo Septimo, die Vigesima Sexta Julij legitime Natum, et in Templo Nostro Parochi
ali Sancti Mauritij vigesima octaua eiusdem Julij, adstantibus Patrinis Nobili ac Generoso Domino Adamo Kauffman de Lewenthal Sac(rae) Cæs(areae)
Maj(estatis) Regio Judice Olomutij, et Illustri Domina Elisabetha Stupanin de Inbrucks, rite Baptysatum esse. Quare Justæ huic petitionj lubenter annu
entes cum et Pluribus ex nobis de ingenua et honestissima eius Natiuitate constet, in Majorem omnium præfatorum Fidem, Patentibus hisce testantibus, Majus Vrbis nostræ
Sigillum scienter apprimi fecimus. Datæ in Curia Nostra Prænominatæ Vrbis Nostræ die 17 Septembris Anno Millesimo Sexcentesimo Sexagesimo Primo.