Nos Maria Theresia DEI Gratia Romanorum Imperatrix, Vidua,
Regina Hungariae, Bohemiae, Dalmatiae, Croatiae, Slavoniae, Galiciae, Lodomeriae &c. Archidux Austriae, Dux Burgundiae,
Magna Princeps Transylvaniae, Dux Mediolani, Mantuae, Parmae &c. Comes Habsburgi, Flandriae, Tyrolis &c. Lotharingiae et Barri Dux, Magna Dux
Hetruriae &c. &c. Praesentium tenore notum facimus, Nos ob pietatis, doctrinae, aliarumve virtutum commendationem Augustino Libero Baroni de Wober,
tanquam idoneo et habili, Canonicatum in Ecclesia collegiata S. S. Apostolorum Petri et Pauli in Marchionatu Nostro haereditario Moraviae, quo hucusque liber
Baro de Tauber provisus erat, jure Patronatus ad Nos, qua Reginam Bohemiae, et Marchionem Moraviae spectantem clementissime contulisse. Eapropter Episcopatu
nunc vacante Administratori in Spiritualibus, et iis, ad quos Jus investiendi pertinet, mandamus, ut supra dictum Augustinum Liberum Baronem de Wober, vel
ejus legitimum Procuratorem in realem et actualem possessionem praefati Canonicatus introducant, vel introduci faciant, stantes et assignantes ei Stationem con=
suetam in Choro, et vocem in Capitulo, caeteraque omnia de jure ac consuetudine antiquitus observari solita. In quorum fidem, et evidens testimonium hasce
Nostras patentes Literas, Sigillique Nostri Caesareo-Regii, et Archiducalis appensione corroborari, ac muniri jussimus, quae dabantur in Civitate Nostra Viennae, die
1.ma Mensis Decembris, Anno Domini Millesimo Septingentesimo Septuagesimo Sexto, Regnorum Nostrorum Trigesimo Septimo.
Maria Theresia