Pius Episcopus Servus Servorum Dei dilectis filiis Universis Vassallis
Ecclesiae Brunen(sis) Salutem et Apostolicam Benedictionem. Hodie Ecclesiae Brunen(si) tunc per
obitum bonae memoriae Francisci Matthiae Chorinsky dum viveret Episcopi Brunen(sis)
extra Romanam Curiam defuncti, Pastoris solatio destitutae de persona dilecti filii Joannis
Baptistae Lachenbauer, Electi Brunen(sis) Nobis et Fratribus nostris ob suorum exigentiam
meritorum accepta de Fratrum eorundem consi=
lio eidem Ecclesiae providimus ipsumque illi in Episcopum praefecimus et Pastorem
curam regimen et administrationem praefatae Ecclesiae Brunen(sis) sibi in spiritualibus ac tem=
poralibus plenarie committendo prout in Nostris inde confectis literis plenius con=
tinetur. Quocirca Universitati Vestrae per Apostolica scripta mandamus quate=
nus eundem Joannem Baptistam Electum devote suscipientes ac debita hono=
rificentia prosequentes ei fidelitatem solitam nec non consueta servitia et ju=
ra sibi a Vobis debita integre exhibere studeatis alioquin sententiam sive poe=
nam quam idem Joannes Baptista Electus tulerit seu statuerit in rebelles ratam
habebimus et faciemus auctore Domino usque ad satisfactionem condignam in=
violabiliter observari. Datum Romae apud Sanctum Petrum Anno Incarnationis Dominicae
|Millesimoseptingentesimooctogesimosexto| Quarto Kal(endas) Februarii, Pontificatus Nostri Anno Duodecimo

visa gratis de mandato Sanctissimi
C S