Gregorius Episcopus Servus Servorum Dei Dilectis Filiis Capitulo Ecclesie Brunen(sis)
Salute(m) et Apostolicam Benedictionem Hodie Venerabilem Fratrem Nostrum Antonium Ernestum Comitem de Schaff
gotsche nuper Archiepiscopum Pragen(sem) a vinculo quo Ecclesie Archiepiscopali
Pragen(si) cui preerat tenebatur de Fratrum Nostrorum
Consilio et Apostolice potestatis plenitudine absolventes ipsum ad Ecclesiam Vestram
Brunen(sem) certo tunc expresso modo Pastoris Solatio destitutam de simili consilio Auctoritate Apostolica
transtulimus Illi in Episcopum et Pastorem preficiendo prout in Nostris inde confectis litteris plenius
continetur Quocirca Universitati Vestre per Apostolica scripta mandamus quatenus eidem Antonio Ernesto tam
quam Patri et Pastori Animarum Vestrarum humiliter intendentes et exhibentes ei obedientiam et reverentiam
debitam ac devotam eius salubria monita et mandata suscipiatis humiliter et efficaciter adimplere curetis
Alioquin sententiam quam idem Antonius Ernestus Episcopus rite tulerit in rebelles ratam habebimus
et faciemus Auctore Domino usque ad satisfactionem condignam inviolabiliter observari
Datum Rome apud Sanctum Petrum Anno Incarnationis Dominice Millesimo Octingentesimo
Quadragesimo Primo Sexto Kalendas Februarii Pontificatus Nostri Anno Undecimo