NOS RECTOR
ET ANTIQUISSIMA AC CELEBERRIMA UNIVERSITAS VINDOBONENSIS
LECTURIS SALUTEM
Laudabile imprimis majorum nostrorum institutum est, ut, qui honestis studiis atque artibus diu sese dediderunt,
rigorosa subeant examina, ut debitum eruditionis et scientiae suae testimonium legitimo acquirant modo. Cum itaque admodum reverendus Dominus Franciscus Zubert
Dioecesis Brunensis Presbyter, ac C. R. Sublimioris Presbyterorum Educationis Instituti ad S. Augustinum Membrum, diligentem assiduamque S. S. Theologiae
multos annos operam navasset, petiissetque a nobis, ut ipsum titulo academico doctrinae suae convenienti ornaremus; Nos, cum honestissimae aequissimaeque ipsius petitioni hac in
re deesse non possemus, ipsum primo per universam theologiam accurate et cum rigore examinavimus, ac deinde theses ex universa theologia selectas publice defendentem audivimus.
In quibus omnibus cum praeclaram eruditionem suam et scientiam abunde Nobis probasset, libenter contulimus petenti honorem, qui virtuti et honestis studiis debetur. Quapropter
auctoritate a Sua Caesareo-Regia Apostolica Majestate in Nos collata eundem admodum reverendum Dominum Franciscum Zubert die quarto Maii
anno millesimo octingentesimo quinquagesimo octavo Doctorem S. S. Theologiae pronuntiavimus ac declaravimus, dedimusque ac damus
ei potestatem omnia exercendi, quae Theologiae Doctores exercere solent; tribuimus ei insuper privilegia omnia ac praerogativas, quaecunque vero Theologiae Doctori legibus vel
consuetudine tribuuntur. In quorum omnium fidem Diploma hoc publicum ab omnibus, quibus competit, subscriptum et majori Universitatis sigillo munitum ei tradendum curavimus.
Vindobonae anno, mense et die supra dictis.
Dr. Joannes Nep. Kaiser
Ordinis Francisci Josephi Eques,
C. R. Professor p. o.
p. t. Universitatis Rector.
Dr. Fr. Zenner Eppus Sarept. Cap. M. V.
Praepositus & Univ. Cancell.
Dr. Stephanus Toplotz c. r. Cons.
s. Ord. Cisterc. Runae Presbyter Capi
tularis, Theologiae moralis in c. r. Univ.
Pragena et Vienensi C. R. Professor emer.,
et Collegi Doctorum Facultatis theologicae
h. t. Decanus, et Promotor
Josephus Knerly S. S. Theologiae Doctor,
linguae Arabicae, Chaldaicae et Syriacae atque biblicae
veteris foederis exegeseos sublimioris in Facultate theol.
Univ. Vienn. c. r. Professor publ. ordin., Consiliarius
ecclesiasticus Brixinensis, Facult. et Collegii Profes
sorum theol. in Univ. Vienn. Decanus emeritus, ejus
dem Facult. theol. Notarius.
Dr. Joannes Schwetz
p. t. Decanus Collegii
Profess. fac. theol.