Ego Andreas Hammermuller Decanus Majoris Ecclesie Brunnens(is) fidelis et obediens ero Beato Petro
Sancteque Apostolice Rom(ane) Ecclesie et d(omi)no Nostro d(omi)no Pio Pape Nono ejusque Successorib(us) canonice intrantib(us) Non
ero in consilio consensu tractatu vel facto ut vitam perdant aut membrum seu quod contra alicujus eorum personam
vel ipsorum aut Ecclesie ejusdem sive Sedis Apostolice auctoritatis honoris privilegiorum jurium vel Apostolorum statutorum
ordinationum sive mandatorum derogationem vel prejudicium machinationes aut conspirationes fiant et si a quovis aliquid
tractari scivero id pro posse ne fiat impediam et quantocius potero eidem domino N(ost)ro vel alteri per quem ad ipsius
notitiam pervenire possit significabo Consilium vero quod mihi credituri sunt per se vel Nuncios seu litteras ad eorum
damnum me sciente nemini pandam Papatum R(oman)um et regalia Sancti Petri adjutor eis ero ad retinendum et defenden
dum contra omnem hominem Auctoritatem honorem privilegia et jura S(anc)te Rom(ane) Ecclesie Domini Nostri Pape et Succes
sorum predictorum quantum in me fuerit potius adaugere et promovere Statuta ordinationes reservationes dispositiones et
mandata h(ujus)modi observare ac eis intendere curabo Legatos Apostolice Sedis in eundo et redeundo honorifice tractabo et in
suis necessitatibus adjuvabo Possessiones autem ad dignitatem meam pertinentes non vendam neque donabo neque
impignorabo neque de novo infeudabo vel aliquo modo alienabo etiam cum consensu Capituli d(ic)te Cathedralis Ecclesie
inconsulto Rom(ano) Pontifice Et constitutionem super prohibitione investiturarum bonorum jurisdictionum ad Ecclesias
spectantium de Anno d(omi)ni Millesimo Sexcentesimo Vigesimo Quinto editam servabo Sic me Deus adjuvet et hec
Sancta Dei Evangelia

~V(idelicet)~
~V(idelicet) olim~
~A(ugustinus) Augustapan~

~Donze de Leon~