LEO PP. XIII.
Dilecte fili salutem, et aplicam benedictionem. Aeternam Christifidelium salutem ab extremo mortis articulo po=
tissimum pendere considerantes eos opportunis subsidiis instruere satagimus, quibus communiti e divinae munifi=
centiae largitate vitam aeternam facilius consequantur. Iamvero cum tu, ut asseris, Vicarii Capitularis Ecclesiae
Brunen(sis) munus exerceas, et fideles in mortis articulo constitutos adiuvare intendas, cumque a Nobis petieris, ut bene=
dictionem Apostolicam cum plenaria indulgentia eisdem per te, et per alios Presbyteros Auctoritate Nostra a te
subdelegandos impertire possis, Nos nequid fidelibus in tanto obversantibus discrimine spiritualis adiumenti desit,
tuis precibus annuere censuimus. Quare tibi, tua vita naturali durante, et cum a Vicarii Capitularis munere excesse=
ris, de Ordinarii tui consensu, quem nisi obtinueris has litteras nullas volumus, ut eisdem, si vere poenitentes, et
confessi, ac S. Communione refecti, vel quatenus id facere nequiverint, saltem contriti nomen Iesu ore, si potue=
rint, sin minus corde devote invocaverint, et mortem tamquam peccati stipendium de manu Domini patienti ani=
mo susceperint, benedictionem aplicam N(ost)ro, et Rom(ani) Pont(ificis) pro tempore existentis nomine cum plenaria omnium pec=
catorum indulgentia, et remissione impertire libere, ac licite valeas, servatis tamen ritu, ac formula a Benedicto P(a)p(a)
xiv Praedec(essore) N(ost)ro praescriptis, facultatem auctoritate aplica tenore praesentium concedimus, et indulgemus. Insu=
per tibi etiam, dilecte fili, ut donec Vicarii Capitularis munus in Dioecesi Brunen(si) exercueris, alios Presbyteros
eiusdem Dioecesis eamdem facultatem subdelegare possis, ac valeas, cuius vi ipsi fidelibus in mortis articulo
constitutis Benedictionem Apostolicam impertire possint, dummodo quae superius praescripta sunt rite prae=
stiterint eadem auctoritate Nostra tribuimus, et elargimur. In contrarium facien(tibus) non obstan(tibus) quibus=
cumque. Datum Romae apud S. Petrum sub annulo Piscatoris die xiv Februarii MDCCCLXXXII
Pontificatus Nostri Anno Quarto.
Pro D(omi)no Card(inali) Mertel
A. Trinchieri Subst(itutus)