Dilecte fili salutem et Apostolicam benedictionem. Singularis morum integritas cum summa pie
tatis laude coniuncta, studium ingens animorum iuvandorum et erudiendae ad praecepta doctrinae
iuventutis, opera sollers quam Antistiti tuo Brunensi navare soles, et ecclesiastica munera quae inte
gre naviterque obiisti, persuadent Nobis ut honorificum tibi deferamus titulum, qui sacerdotii tui
quinquaginta annos ante feliciter initi quasi mnemosynon et Nostrae in te benevolentiae testimo
nium alterum extet. Quare te a quibusvis excommunicationis, suspensionis, et interdicti, aliisque
ecclesiasticis sententiis, censuris et poenis, si quas forte incurreris, huius tantum rei gratia absol
ventes et absolutum fore censentes, hisce litteris auctoritate Nostra Apostolica Antistitem Urba
num, seu Pontificalis Domus Praesulem facimus, constituimus, renuntiamus. Tibi ideo, dilecte
fili, concedimus, ut violaceas vestes induere ac etiam in Romana Curia lineum amiculum
manicatum seu Rochetum gestare, queas, utque utaris, fruaris singulis quibusque honoribus,
privilegiis, indultis, quibus alii huiusmodi titulo insignes utuntur, fruuntur, aut uti, frui
possunt ac poterunt. Non obstantibus contrariis quibuscumque. Datum Romae apud S(anctum) Pe
trum sub annulo Piscatoris die XXVIII Aprilis MDCCCXCVI Pontificatus Nostri Anno Decimonono
C(ardinalis) Card(inalis) De Ruggiero