1628_VIII_28
CZ-DABB > KM > 1628_VIII_28
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
N O S F R A N C I S C V S
Miseratione Diuina S. R. E. Tit: S. Marci trans Tyberim Presb(yte)r CardinaLes et Princeps à Dietrichstain, Ep(iscop)us Olomucensis Princeps, Reg. Cap. Bohemiæ Comes Sac: Cæs: Mattis Intimus Consiliarius eiusdemq(ue) Regnorum ac Ditionum hæredita=
riar(um) Protector, et Marchionatus Morauiæ Capitaneus, In perpetuam rei memoriam. Notum facimus tenore præsentium omnibus et singulis quorum interest, aut quomodolibet interesse poterit, quod posteaquam Præposituram in Ciuitate nostra hæredi=
taria Nicolspurgensi, ex bonis nostris Patrimonialibus ereximus eandemque competenti Dote et prouisione dotauimus, perpendendo præsentium temporum iniurias et viuendi difficultates ad meliorem præpositi nostri sustentationem eidem
Præposituræ ex paterno Nostro affectu et Liberalitate aliquid de Bonis immobilibus utpote vnum Lanium agri qui olim ad Kolman Falb spectabat; Duo item prata; vnum in fœtido fundo ita dicto, spectans quondam ad
Anabaptistas, alterum penes Diedstaig vulgò nuncupatum. Insuper unum hortum in VnterLeimgrueb, qui aliquando ad Heitteler pertinebat superaddidimus et donauimus. Quia verò Admodum Reuerendus Nobilis
et Eximius syncerè Nobis Dilectus GEORGIVS Otiolaus de Kopenicze Consiliarius et Præpositus noster Nicolspurgensis volens vt corpore suo exanimi terris aliquando abdito nomen et memoria sui inter viuos remaneat, no=
tentque posteri ac successores sui, quo animo et voluntate erga ipsos fuerit, etiam duos hortulos, vnum scilicet à Georgio Götz alterum à Nobili viro Arnoldo Seyfried. Item unum pratum supra piscinam Pulvermülteich
appellatam, ab Alberto Prem proprio ære exemit, surraque memoratæ Præposituræ adiunxit, petijt à Nobis eâ, quâ par est animi demissione et reuerentia, quatenus omnia illa, quæ cum à Nobis dictæ Præposituræ donata, tum ab
ipso empta sunt Literis Nostris stabilire ac confirmare; et si quid fortè adhuc in futurum pro tenuitate patrimonij sui ad prælibatam Præposituram emere vellet, benignè concedere ac fauere, ratumque ac stabilem habere
dignaremur. Nos itaque sedulò animum et cogitationes Nostras eò intendentes, quàm Labilis hominum memoria sit, quamque citò nisi tabulis, Libris et Literis incisa ad posteros transmittatur, unà cum ipsis
hominibus è viuis emigret, ne hæc Nostra Donatio et dicti Præpositi Emptio obliuioni tradatur, sed potius perpetuum robur et firmitatem habeat tam honestæ petitioni ipsius Libenter annuimus. Proinde omnia
et singula suprascripta, quæ Nos præfatæ Præposituræ Nostræ ex singulari Liberalitate ac munificentia donauimus, sicut etiam illa, quæ ipse Præpositus proprio ære exemit et Præposituræ adiunxit Tenore præsentiu(m)
rata et firma facimus, et ut perpetuis futuris temporibus talia sibi et habeantur stabilimus et confirmamus, idemque robur, ac si primæ Nostræ FVNDATIONI inscripta incorporataque essent, superaddimus. Conce=
dentes insuper, ut si dictus Præpositus ad sæpènominatam Præposituram adhuc aliquid in futurum proprio suo ære emere vellet, id liberè facere posset, Nostro tamen prius desuper quæsito et impetrato consensu. Quæ
omnia et singula Libera esse volumus, et ab omni Censu et quibusuis oneribus molestiis et grauaminibus eximimus. Quodsi autem quis mortalium contra hanc Nostram Confirmationem, Collationem, Donationem, Prouisio=
nem et Constitutionem, quo minus in sua firmitate permaneant, uerbo uel facto, consilio, auxilio, uel fauore, publicè uel occultè præsumpserit attentare, super hunc ira et indignatio DEI præpotentis descendat et pro
benedictione maledictionem recipiat. In quorum omnium fidem hasce manu Nostra propria subscripsimus sigilloque Nostro maiori muniri iussimus. Data et scripta in Arce et Ciuitate Nostra
hæreditaria, Nicolspurgensi die Lunæ quæ fuit sacra Diuo Augustino Confessori et magno Ecclesiæ Doctori alias vigesima Octaua mensis Augusti. Anno Domini. M. DC. XXVIII.
F. Card(inalis) et Princeps a Dietrichstain m(anu) p(ropria)
Ad Mandatu(m) Ill(ustrissi)mæ ac C(elsissi)mæ suæ
Celsit(udinis) proprium
Joan(nes) Methodius m(anu) p(ropria)
Miseratione Diuina S. R. E. Tit: S. Marci trans Tyberim Presb(yte)r CardinaLes et Princeps à Dietrichstain, Ep(iscop)us Olomucensis Princeps, Reg. Cap. Bohemiæ Comes Sac: Cæs: Mattis Intimus Consiliarius eiusdemq(ue) Regnorum ac Ditionum hæredita=
riar(um) Protector, et Marchionatus Morauiæ Capitaneus, In perpetuam rei memoriam. Notum facimus tenore præsentium omnibus et singulis quorum interest, aut quomodolibet interesse poterit, quod posteaquam Præposituram in Ciuitate nostra hæredi=
taria Nicolspurgensi, ex bonis nostris Patrimonialibus ereximus eandemque competenti Dote et prouisione dotauimus, perpendendo præsentium temporum iniurias et viuendi difficultates ad meliorem præpositi nostri sustentationem eidem
Præposituræ ex paterno Nostro affectu et Liberalitate aliquid de Bonis immobilibus utpote vnum Lanium agri qui olim ad Kolman Falb spectabat; Duo item prata; vnum in fœtido fundo ita dicto, spectans quondam ad
Anabaptistas, alterum penes Diedstaig vulgò nuncupatum. Insuper unum hortum in VnterLeimgrueb, qui aliquando ad Heitteler pertinebat superaddidimus et donauimus. Quia verò Admodum Reuerendus Nobilis
et Eximius syncerè Nobis Dilectus GEORGIVS Otiolaus de Kopenicze Consiliarius et Præpositus noster Nicolspurgensis volens vt corpore suo exanimi terris aliquando abdito nomen et memoria sui inter viuos remaneat, no=
tentque posteri ac successores sui, quo animo et voluntate erga ipsos fuerit, etiam duos hortulos, vnum scilicet à Georgio Götz alterum à Nobili viro Arnoldo Seyfried. Item unum pratum supra piscinam Pulvermülteich
appellatam, ab Alberto Prem proprio ære exemit, surraque memoratæ Præposituræ adiunxit, petijt à Nobis eâ, quâ par est animi demissione et reuerentia, quatenus omnia illa, quæ cum à Nobis dictæ Præposituræ donata, tum ab
ipso empta sunt Literis Nostris stabilire ac confirmare; et si quid fortè adhuc in futurum pro tenuitate patrimonij sui ad prælibatam Præposituram emere vellet, benignè concedere ac fauere, ratumque ac stabilem habere
dignaremur. Nos itaque sedulò animum et cogitationes Nostras eò intendentes, quàm Labilis hominum memoria sit, quamque citò nisi tabulis, Libris et Literis incisa ad posteros transmittatur, unà cum ipsis
hominibus è viuis emigret, ne hæc Nostra Donatio et dicti Præpositi Emptio obliuioni tradatur, sed potius perpetuum robur et firmitatem habeat tam honestæ petitioni ipsius Libenter annuimus. Proinde omnia
et singula suprascripta, quæ Nos præfatæ Præposituræ Nostræ ex singulari Liberalitate ac munificentia donauimus, sicut etiam illa, quæ ipse Præpositus proprio ære exemit et Præposituræ adiunxit Tenore præsentiu(m)
rata et firma facimus, et ut perpetuis futuris temporibus talia sibi et habeantur stabilimus et confirmamus, idemque robur, ac si primæ Nostræ FVNDATIONI inscripta incorporataque essent, superaddimus. Conce=
dentes insuper, ut si dictus Præpositus ad sæpènominatam Præposituram adhuc aliquid in futurum proprio suo ære emere vellet, id liberè facere posset, Nostro tamen prius desuper quæsito et impetrato consensu. Quæ
omnia et singula Libera esse volumus, et ab omni Censu et quibusuis oneribus molestiis et grauaminibus eximimus. Quodsi autem quis mortalium contra hanc Nostram Confirmationem, Collationem, Donationem, Prouisio=
nem et Constitutionem, quo minus in sua firmitate permaneant, uerbo uel facto, consilio, auxilio, uel fauore, publicè uel occultè præsumpserit attentare, super hunc ira et indignatio DEI præpotentis descendat et pro
benedictione maledictionem recipiat. In quorum omnium fidem hasce manu Nostra propria subscripsimus sigilloque Nostro maiori muniri iussimus. Data et scripta in Arce et Ciuitate Nostra
hæreditaria, Nicolspurgensi die Lunæ quæ fuit sacra Diuo Augustino Confessori et magno Ecclesiæ Doctori alias vigesima Octaua mensis Augusti. Anno Domini. M. DC. XXVIII.
F. Card(inalis) et Princeps a Dietrichstain m(anu) p(ropria)
Ad Mandatu(m) Ill(ustrissi)mæ ac C(elsissi)mæ suæ
Celsit(udinis) proprium
Joan(nes) Methodius m(anu) p(ropria)