In nomine domini Amen Anno domini Millesimoquadringentesimononagesimoprimo die
vero Sabbatho vigesimasexta mensis Marcij Hora quasi vesperorum Pontificatus Sanctissimi
in christo patris et domini nostri domini Jnnocencij diuina prouidencia pape Octaui Anno eius
Septimo Jn domo pretorij ciuitatis Znoyme Olomucensis diocesis Jn Stuba mayori Vbi ciuium
specti ac prouidi Magisterciuium Judex ceterique Jurati ciuitatis predicte ciuitatis Super emergentibus
negocijs causis et questionibus solent decernere decidere diffinire scire et alios quoscumque actus
suos tam Judicales quam extraiudicales tractare Coram me Notario publico et testibus
infrascriptis personaliter constituti Sagaces Magisterciuium Paulus wachendorffer Judex Sigefridus
Jeronimus wenceslaus pellifex Mikuss Leonardus mexbret Johannes kuczos Jacobus
smidl omnes Jurati consules vno loco Jamdicti ciuitatis Jurati publicus ac amicabilibus
verbis alloquuti Habuerunt Honorabilem dominum Marcum Stoll presbiterum patauiensis diocesis
et beneficiatum cuiusdam altaris et beneficij simplicis dedicati in Honore Sancti Martini con//
fessoris locati et situati in Ecclesia parochiali Sancti Nicolai Jbidem tamquam Jmppronati et patroni
ad predictos Magisterciuium et Juratos ciuitatis Znoyme plene deuoluti et pertinet peten//
et postulan ac nomine omnium et singulorum Juratorum ciuitatis de consilio Jbidem optantes a
prelibato domino Marco Stoll personalem residenciam aput predictum suum beneficium facere
Ad que petita postulata et optata supradictus dominus Marcus Stoll Animo deliberato non
compulsus aut aliquibus sinistris machinacionibus circumuentus respondens Sponte
predicte ciuitatis procuratoribus promisit et se obligauit fide prestita et iuramento Jn et ad presenciam
predicti sui beneficij residenciam personalem ad conseruacionem et retencionem Honorabilium virorum
dominorum plebanorum Ecclesie parochialis Sancti Nicolai in domo ipsius propria et deputata
Jtem omnia et singula petita articulos et clausulas quascumque in eadem serie contenta rata firma rata
integra et presens permanere siue excepte Jta ut omnia in ea contenta debite firme rate
et rite tenere perpetuis temporibus et in effectu obseruare de et super quibus omnibus et singulis
michi Notario publico infrascripto ex parte Supplicatum ut facerem vnum siue plura
instrumentum aut instrumenta publicum aut publica et tot quot ueritas exigeret presentibus
Jbidem Venerabilibus viris et dominis Andrea Stoyzin preposito in Olbramostirchij Michaele
plebano Augustino plactmayer presbitero Olomucensis diocesis testibus fidedignis ad hec specialiter
rogatis et requisitis
Et Ego Paulus Reges presbiter Olomucensis diocesis Sacra Apostolica
et Jmperiali auctoritate notarius publicus Quia vna cum prenominatis
testibus predicte peticioni postulacioni et optacioni responsioni
promissioni et obligacioni per missum eaque sic fieri vidi audiui
Jdeo presens instrumentum publicum exinde confeci subscripsi publicaui
et in Hanc publicam formam redegi Signoque et nomine
meis solitis et consuetis Signaui ad hec specialiter petitus
et requisitus