In Nomine domini Amen Anno a Nativitate eiusdem Millesimo Quingentesimoseptimo
Indicion(e) decima die vero Jovis sexta mensis Maij Pontificatus sanctissimi in Christo patris et domini nostri domini Julij divina providenc(ia)
pape secundi Anno quarto In mei Notarij publici testiumq(ue) infrascriptor(um) ad hoc specialiter vocator(um) et rogator(um) presenc(ia) persona
liter constitutus honorabilis vir dominus wenceslaus de Lita presbiter pataviensis dioc(esis) exposuit asseruit et dixit Qualiter sibi
per providos et circumspectos viros dominum Burgravium et Consules oppidi Znoyme de altari sancti Martini in Ecclesia parochiali
Sancti Nicolai intra muros ibidem in Znoyma situato Olomucensis dioc(esis) ad eorundem magistratum et consulatum iuspatronatus seu
collacionis spectanti post obitum quondam domini Thome Haffner eiusdem altaris domini vicarij ultimi et immediati
rectoris provisum fuisset extat Idcirco dictus dominus wenceslaus omnibus melioribus modo via forma et Jure quibus id me
lius et efficacius fieri potuit In manibus mei Notarij publici infrascripti vice omnium et singulorum quorum interest
seu interesse quolibet infutur(um) solempniter stipulanti et recipientis vim prestiti Juramenti promisit velle vici
et in antea apud dictum suum altare personaliter residere Quibusq(ue) iuxta consuetudinem hactenus observatam
ad continenciam sumptorum et statum primarie ereccionis eiusdem altaris debite altissimo impendere famulatum aliaq(ue)
omnia et singula facere exequi et adimplere que cuiuslibet dicti altaris de Jure et laudabili consuetudine facere
exequi et adimplere teneatur Nec dicte sue promissioni ullo unquam tempore quovis quesito colore seu
ingenio contravenire directe vel indirecte dolo et fraude penitus remotis Super quibus omnibus et singulis
ego Notarius publicus infrascriptus fui requisitus quatenus exinde unum aut plura et tot quot fuerint
necessaria et opportuna conficerem publicum et Instrumenta Acta sunt hec in domo plebani Sancti
Michahelis in Znoyma Olomucensis dioc(esis) Anno Indicione die mense et pontificatu quibus supra
Presentibus ibidem honorabilibus viris dominis wolffgango mistelpeck et Gregorio Stampeck presbiteris pataviensis
et Olomucensis diocesis Testibus fidedignis ad premissa specialiter vocatis atq(ue) rogatis
Et ego Adam de wiczehicz clericus Olomucensis dioc(esis) publicus apostolica et
imperiali auctoritate Notarius Quia supradicte stipulacioni recepcioni
promissioni ac voluntati Omnibusq(ue) alijs et singulis dum sic ut
premittitur fierent et agerentur Una cum prenominatis testibus presens
interfui Eaq(ue) sic fieri vidi et audivi Ideo hoc presens publicum
Instrumentum manu mea propria scriptum exinde confeci publicavi et
in hanc publicam formam redegi Signoq(ue) et nomine meis solitis
et consuetis consignavi et subscripsi In fidem et testimonium omnium
et singulorum premissorum rogatus atq(ue) requisitus