Research catalogue

Explore the charters

Search simply first. Refine only when the research question requires it.

1331_VIII_24

CZ-KAVB > VYBRO > 1331_VIII_24

Source: MonasteriumAI palaeographyAI interpretation
Page 1 / 3
1331_VIII_24, page 1
View
Transcriptiongemini-3.1-pro-preview
Ich Pilgreim der Watich vnd mein Hausvrowe vro Sophey veriehen offenbar an disem brief
vnd tůn chunt allen den di in lesent sehent oder horent lesen di nu lebent oder hernach chunf
tig sind daz vns Got von himel des ermant hat daz wir vns muesen gewizzen ains anvolz habe
seligen nach vnserm tod daz der Edeln chunginne Marie in irem chloster ze dem Hohenfurt vnd
darumb hab wir vns des veraint lieblichen vnd guetlichen mit vnser besten vriunt rat vnd
auch zder zeit da wir iz wol getůn mochten an siechtum vnd an alle chranchait gegeben dem egnante(n)
chloster zwen weingarten di wir haben lang her pracht in rehter purhrehtes gwer an allen chrieg
der ain der leit ze Bobolesmuehl am chirchegraben im gein da von man dient alle Iar an sand
Michels tag zerehtem purhreht funph phennig der ander leit ob haindorf am haslech inder gein
der dient alle Iar an sand Michels tag zepurhreht aintholben phennich wienner Můnze di selbige(n)
di herren di samnug des oftgenante(n) chlosters nach vnserm tod in irem Reuent megen wand wir
inz gegeben haben zeinem ewigen selgerat mit vnsers suns Fridreichs vnd mit andern vnsern Erben
guetlichem willen Daz in daz stet vnd ewichleichen vngebrochen beleib dar vber gib ich Pilgreim
der Watich disen offen brief mit meim anhangunden Insigel vnd mit hern Dietreichs Insigel von
harach vnd mit wolchans Insigel des Pullen der zden zeiten lantrihter was inder meinsat fur
allen chunsigen chrieg der aht sind zeug Dietreich der watich hainrich der chleiner Vtz der schaffer
Vlreich der wehser Elbel vnd sein bruder der dumme chunich der Ammaist(er) haman der ziman
swan fridreich der wegner vnd ander piderber leut gnůch di der sach gein zeug sind Der brief
ist geben nach christes geburt dreuzehenhundert Iar dar nach in dem ains vnd dreizzigsten Iar an
sand Bartholomeus tag inder meinsat

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.