Research catalogue

Explore the charters

Search simply first. Refine only when the research question requires it.

1335_X_13

CZ-KAVB > VYBRO > 1335_X_13

Source: MonasteriumAI palaeographyAI interpretation
Page 1 / 3
1335_X_13, page 1
View
Transcriptiongemini-3.1-pro-preview
Ich fridreich der walich von der freinstat vnd mein hausfrowe vnd vnser Erben wier veriehen vnd
tuen chunt allen den die disen brief lesent oder horent lesen daz wier mit vnsern nasten vnd pesten freunt
rat haben verrichtet vns mit den Geistleichen herren des Chlosters von Hahenfuert vmb di tzwey weingartel
di mein vater vnd sein hausfrowe im geschaft hat vmb der leit ains pei Leubs an dem haslech vnd dient alle
iar an sand Michels tag duthalben wiener phenninch hans dertein hintz Zebing daz ander leit pei Do
voltzpurch in den Gern vnd dinent alle iar an sand Michels tag funf wiener phennig den herren von
Chirchling vnd di selben weingartel hat wier in ledich lazzen vnd haben seu auf ge geben mit durchheiren
hant dem Geistleichen herren hern Hainreichen ze den tzeiten ieim pharrer an ier aller stat vnd dar
vmb habent seu vns ge geben dreu phunt wiener phennig der wier schon gewert sein wier schuln auch fuer
baz der vorgenanten weingartlein ier rechter schirm sein fuer alle an sprach vnd ich fridreich walich
gib im dar vber disen brief ze vrchund versigelt mit meinem Insigel vnd tzu ainem gezeuge versigelt
mit hern Chunrates des walich Insigel vnd zu gezeuge di Erbern leut hern vlreich vnd hern pilgreim di
walich hern Nyklan ze den tzeiten pharrer datz Zebing Hancharten den poschen ze den tzeiten Richter
datz Leubs vlreichen den amptman Nyklan seines swester sun vnd ander leut genueg den di sachhe
wol chund ist der brief ist ge geben nach Christes geburd dreutzehen hundert iar dar nach in dem
funf vnd dreizigistem iar an sand Cholmans tag

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.