Research catalogue

Explore the charters

Search simply first. Refine only when the research question requires it.

1338_VI_24

CZ-KAVB > VYBRO > 1338_VI_24

Source: MonasteriumAI palaeographyAI interpretation
Page 1 / 3
1338_VI_24, page 1
View
Transcriptiongemini-3.1-pro-preview
Ich Johan von Aychnicz. vnd Ich wernher purgraf. vnd Ich Ryda schaffer von Rosenb(er)ch.
beche vnd tun chunt offenbar an disem prif. Alle den di in lesent od(er) lesen ho(e)re(n)
di nu lebent od(er) her nach chumftig sint. daz der erber herr apt coloman von
hohnfurt ein recht het hintz seinem holden. h(er)mann von crakawicz. dar vber
wurd wier genome(n) paydenthalbe(n) zv schiedleuten vnd habe(n) daz beschaiden vnd sta(e)tigt
also sam hie geschribe(n) stet. der vorgenant h(er)man het genome(n) var etleiche(n) Jaren ein
hantfest vber sein chaufrecht zc crakawicz von dem erbe(n) h(er)ren apt choman(n) von ho
hnfurt vnd von der erbe(n) sampnu(n)g. der selbe hantfest mocht er nicht gezaige(n). chem div
selb hantfest furbaz imm(er) furb leut anz liecht so schol chain recht vnd nichtz nicht chraft
habe. er schol dienen alle Jar vam hof zc crakawicz ein halbe(n) phu(n)t vnd gantzen zehent
gen chlost(er) vnd der hold den er var dem tar hat gehabt der schol furbaz ander nie
mant dienen den dem selbe(n) chlost(er) zc hohnfurt. diser schidung hat der vorgenant h(er)man
im vnd seinem chaufrecht zc crakawicz genome(n) zv einem recht vnd hat daz getan vnbedwu(n)
chtach vnd mit gar gu(e)tliche(n) wille(n). daz wier der sach ewigzeug sein daru(m)b geb wier
disen prif bestetige(n) vnd wol v(er)sigelte(n) mit vnser allen drein anhangunden Insigeln. diser
prif ist gegebe(n) da von christez gepu(e)rd ergang(en) warden. dreutzehe(n) hundert Jar dar nach
In dem acht vnd dreissigstem Jar zunwenten.

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.