Research catalogue

Explore the charters

Search simply first. Refine only when the research question requires it.

1343_XII_06

CZ-KAVB > VYBRO > 1343_XII_06

Source: MonasteriumAI palaeographyAI interpretation
Page 1 / 3
1343_XII_06, page 1
View
Transcriptiongemini-3.1-pro-preview
Ich pruder Erhart in vnser vrowen chloster weizzes ordens datz dem slegel. Igeich vnd tůn chvnt offenbaer an disem prif
alle den di in sechent lesent oder horent lesen. di nu lebent oder her nach chumftig werdent. daz ich mit gůtem willem
mit bedachtem můt vnd mit baydem rat vnd gunst meines h(er)ren h(er)n Nyclas probsts zv der selben zeit vnd dez gemaynem
cuentz dez ergenanten chlosters. vnd auch meines průder vlreichs von weytgendorf. vnd aller meiner vreunt. zv der
zeit do ich iz wol getůn mocht. Recht vnd redleich chauft han. dain dorf ze wotikslag. daz fvmf lechen vnd ayn
virtail ist. daz mein rechtes erbteil gewesen ist. von meinem vat(er) vlrechen perni von weytgendorf dem got genad. mit
alle dem nucz vnd wehr als er iz inn gehabet hat. vmb vir vnd tzwaingzik phunt pazzawer phennig. der ich gar
vnd ganczleich bricht vnd gewert pin. dem eerb(e)n h(er)ren d(er)r thomann zden selben zeiten. vnd dem eerb(e)n cuent ze
hohnfurt. Also beschaidenleichen wen daz ist daz di erber vrow. vrow offmei. mein stief můter. symons dez nimmer vols
můter gestirbet. daz si iz dann astendes haben schullen ledichleich vnd vreylych ze wald vnd ze veld. bsůcht vnd
vnbsůcht mit alle dem daz dar zvo gehort ze chauffen vnd zseczen vnd allen iren frume da mit zeschaffen als iz in
aller pest chom vnd vuge an allen infal vnd an aller ansprach ewichleich. daz di redd all stet vnd gancz vnd vncze
prochen beleib an allen d(in)g ewichleich. daru(m)b gib ich in disen prif wol besigelt mit meines h(er)ren h(er)n Nyclas dez probsts isigel
vnd auch mit dez cuentz insigel. vnd mit meines h(er)ren h(er)n peters von Rosenb(er)ch insigel. vnd mit meins průder vlreichs
von weytgendorf insigel. vnd ich peter von Rosenb(er)ch Igeich bestetig mit meinem anhangendem insigel. daz der chauf
mit meinem rat. mit meiner hilf. vnd mit meiner gunst geschehen ist. diser prif ist gegeben do von christes gepůrd
ergangen ward trevtzehenhundert Iar. darnach in dem dreivndvirczikstem Iar. an sand Nyclas tag :-

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.