Research catalogue

Explore the charters

Search simply first. Refine only when the research question requires it.

1368_IV_24

CZ-KAVB > VYBRO > 1368_IV_24

Source: MonasteriumAI palaeographyAI interpretation
Page 1 / 3
1368_IV_24, page 1
View
Transcriptiongemini-3.1-pro-preview
Ich Vlreich Drochawer verich vnd tun chunt mit dem gegenwurtigem prief offenbar allen lewten di in sehent
lesent oder horent lesen di nu lebent od(er) her nach chvmftig sein Daz ich mit gesuntem leib vnbetwunge(n)
leichen zu den zeiten do ich is wol tuen mocht mit bedachtem muet vnd mit gutem willen mein(er) hawsfrawen
Gewten mit gunst vnd rat aller mein(er) erben vnd aller mein(er) vrewnt mir vnd mein(er) tocht(er) Margareten vnd
allen mein(en) vorvadern vnd allen mein(en) noch chomen zv einem ewigen sel geret lauterleichen durch got recht
vnd redleichen han geben mit volle(m) gangem gewalt mit allen nv(t)zen zu ewigem vreien erb vnd aigen ewig
leichen ze haben den erbn vnd den geistleichen h(er)rn dem abpt vnd d(er) samnu(n)g vnd couent dez chlost(er)s ze Hohen
furt in ir pitancz ampt ein schok grozzer phennig vnd vier grozz phennig prag(er) mu(n)ncz ewiges zins vnd gelts
alle iar in meine(m) dorf mit namen gehaizzen Strickinsdorf gelegen pei de(m) dorf Aynsidel den selben zins
vier grozz vnd ein schok phennig schulle(n) dien(en) vnd geben alle iar ierigleichen zu zwain tegen im iar an sant
Go(r)gen tag halben vnd an sand Michels tag halben zwen holden gesezzen in de(m) obgenanten dorff der ein haisset
Walther vnd dient drey vnd vierczig grozz der and(er) hold haisset Nulo vnd dient ain vnd zwainczig grozz
fur rouolt vnd fur alle sach vnd vadrung an gemain(er) künig stew(er) wan di gepoten wirt di schulle(n) si paid geben
gancz vnd gar sam der ober vnd der nider ir nochpaw Ich schol auch di selben paid holden in nucz vnd gewer
inn haben mit allen sachen vncz an meinen tod vnd schol meinem sun prud(er) Fridreichen priest(er) in de(m) vorgenan
ten chlost(er) geben vnd raichen den vor geschriben zins zu rechten tegen vnvozogenleichen alle iar vncz an meine(n) tod
vnd noch meine(m) tod so schol er sich dez selben zins vnd d(er) selben holden vntwinten mit volle(m) gewalt vncz an sein tod
vnd nach seinem tod so schol sich der selben holden vnd zins vntwinten mit volle(m) gewalt di samnu(n)g vnd d(er) couent gemain
Daz di red diz prieff vnd geschefft allez gancz stet vnd vnczuprochen ewigleiche(n) beleib so mir vnd so allen meinen
noch komen der vmb geb ich den prieff zu einem ewigen offen stetigen vrchund mit meine(m) vnd mit meines suns
Vlreichs anhangunden Ingsigeln Vnd besunderleichen zu ein(er) pessern sicherung mit meines genedigens
h(er)rn h(er)rn Josts von Rosenberch anhangundem Ingsigel vnd mit meines aydem Seyfrides anhangunden
Ingsigel di daz tan haben durch meiner pett willen zu einer beczeugnuzz in an schaden Der prieff ist
geben do noch christes gepurt ergangen waren drewczehen hundert Iar do noch in de(m) acht vnd secht
zigistem Iar an sand Gorgen tag

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.