Research catalogue

Explore the charters

Search simply first. Refine only when the research question requires it.

1447_X_08.1

CZ-KAVB > VYBRO > 1447_X_08.1

Source: MonasteriumAI palaeographyAI interpretation
Page 1 / 3
1447_X_08.1, page 1
View
Transcriptiongemini-3.1-pro-preview
Ich Hanns Zeind diezeit gesessen zu Weinzierl Ich persel sein hausfraw Ich Hanns Hertz zu Weinzierl vnd ich
agnes sein hausfraw Veriehn offenlich mit dem brief vnd tuen kund allen den die jn sehent oder horent lesen Als vns
der Erwirdig geistlich herr herr pauls probst ze klosterneuburg vnd der Conuent gemainklich daselbs jr vnt(er)s Jeuch
weingartn jm kulegen laylant gelegn zenachst aÿanfawen weingartn lassen habnt auf vns(er) ainer leibtaill lebtag vnd
nicht lanng(er) nach jnnhaltung jrs briefs vns darumbn gegebn Also gelobn wir dem selbn vns(er)m h(er)rn dem probst seinem
Conuent vnd alln jrn nachkomen das wir das vorgerant jr Jeuch weingartn mit guetm nutzem paw all gewonleichen
weingart arbait sulln arbaitn vnd pauen getreulich vnd vngeuarlich vnd jn alle jar den vierdn Eimer mosts aus dem
grannt vnd auch den zehent der jn zugepurt dauon gebn vnd antwurttn sullen an alle widerred vnd wan wir lesen welln
das sulln wir jn od(er) jrem hofmaist(er) vor chundn das sÿ jrn potn auch darzue geschickn mugn vnd wir sullen Inen
den maistn jn jrn hof zu der press fuern Sy mugn auch od(er) jr hofmaist(er) an jr stat yedes jars zwen erber man ze pfingstn
vnd ze sand stephans tag jm snt jn das egemelt ain Jeuch weingartn schickn vnd das besichtn lassen Erfind sich dann
mit selher besichtn das dem weingartn aine od(er) mer(er) guete arbait abgee vnd nicht zu yeder recht(er) czeit gearbait wär so
habnt sÿ od(er) jr anwallt an jr stat gewallt vns darumbn zepfendn vnd zepessern an vns(er)m tail des mosts jn dem grannt
so verr vnd als lanng das jn vmb soliche v(er)saumbte arbait ain genuegn geschech wär aber das wir solich pesserung
nicht gehorsam sein oder aber das nicht achtten wolten das sich jn dem nachst(en) jar darnach auch erfunde so sein wir
von alln vns(er)n rechtn vnd sÿ mugn sich auch des obgenantn Jeuch weingartn wol vnderwindn vnd jrn frumen
verrer damit schaffen an vns vnd all vns(er) erbn vnd frewnt vnd mainkliche von vns(er) wegn jrrung vnd ansprechen
Wir mugn auch vns(er) recht mit jrm willen vnd wissen wol v(er)kauffn ainen and(er)n oder mer(er)n vns(er) genossen
der jn darzue nutz vnd fueglich ist jn den rechtn als wirs gehabt habn Vnd wann dann geschecht das der lest
leib vnder vns mit tod abganngn ist so ist jn das egemelt Jeuch weingartn an jrrung vns(er) erbn vnd frewnt vnd ma
nkleichs von vns(er) wegn ledig worden Doch ob derselb lest leib das vorger(ant) Jeuch mit der erstn arbait begriffn
vnd die gearbait hettn so sulln vns(er) erbn vnd frewnt die furbar vntz auf das lesen jnnhabn pauen nutzn vnd
messen jn allen den rechtn als wirs bej vns(er)m lebtagen solich getan habn vngeuarlich des ze vrkhund gebn wir jn
vnd jrem Gotzhaws den brief besigeltn mit der erbrn vnd weysen Taiman Jäger vnd wolfgang Notsperger baider
burger ze k(re)mbs anhangendn jnsigln die sÿ durch vns(er) vleissign gepet willn daran gehangn habent jn
vnd allen jrn erbn an schadn darunder wir vns v(er)pindn mit vns(er)n trewn an aydes stat alles das war vnd stät ze
haltn das jn dem brief geschribn stet der gebn ist an suntag vor sand dyonisen tag Nach kristi gepurd vierze
henhundertjar vnd darnach jn dem Sibenvndviertzigistem jare

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.