Research catalogue

Explore the charters

Search simply first. Refine only when the research question requires it.

R5_WEAK

1475_III_18

CZ-KAVB > VYBRO > 1475_III_18

unassessedMonasterium
Source: MonasteriumAI palaeographyAI interpretation
Page 1 / 3
1475_III_18, page 1
View
Transcriptiongemini-3.1-pro-preview
Angelus Ep(iscopu)s Penestrin(us) Bartholomeus t(i)t(uli) s(an)c(t)i Clementis Oliuerius t(i)t(uli) s(an)c(t)i Eusebij Antonius Iacobus t(i)t(uli) s(an)c(t)i uiti Iohann(es) Baptista
t(i)t(uli) s(an)c(t)e balbine Stephanus t(i)t(uli) s(an)c(t)i Adriani Ausias t(i)t(uli) s(an)c(t)i uitalis Ioh(ann)es t(i)t(uli) s(an)c(t)e praxedis Baptista t(i)t(uli) s(an)c(t)e Anastasie p(res)b(ite)ri Et Ioh(ann)es s(an)c(t)e lucie diaconi s(an)c(t)e Roman(e) eccl(es)ie Cardinales.
Uniuersis et singulis xp(ist)ifidelibus p(rese)ntes litteras n(ost)ras inspecturis uisuris lecturis pariter et audituris Sal(u)t(em) in d(omi)no semp(iternam) Splendor paterne glorie qui sua mundum ineffabili illuminat claritate Pia
uota fidelium de ipsius clementissima maiestate sperantium tunc precipue benigno fauore prosequitur cum deuota ip(s)or(um) humilitas sanctor(um) precibus et meritis adiuuatur Cupientes igitur
ut Eccl(es)ia sancti Nicolai in Opido Rosinb(er)g Pragen(sis) dioc(esis) ad quam dilecti nobis in xp(ist)o honorabilis uir d(omi)n(u)s Iohannes hebal p(res)b(ite)r plebanus ibidem et Iohannes Pelz
laicus cum suis certis fratribus Conciuibus sp(eci)alem gerunt deuotionem congruis frequentetur honoribus et in suis structuris ac edificijs debite reparetur augeatur conseruetur et
manuteneatur libris calicibus luminaribus et alijs ornamentis eccl(es)iasticis decoretur fulciatur et laudabiliter muniatur in ea quoq(ue) cultus augmentetur diuinus xp(ist)iq(ue) fideles ip(s)i eo libentius
deuotionis causa confluant ad illam quo ex hoc ibidem dono celestis gratie uberius conspexerint se refectos De Omnipotentis dei misericordia ac beator(um) Petri
et Pauli ap(osto)lor(um) eius auct(oritat)e confisi Omnibus et singulis utriusq(ue) sexus xp(ist)ifidelibus uere penitentibus et confessis qui dictam Eccl(es)iam in Annunciationis b(ea)te Marie
uirginis Uisitationis eiusdem b(ea)te Marie ad helisabeth sancti Nicolai Ep(iscop)i et Confessoris sancte Barbare uirginis et martiris Et ipsius eccl(es)ie dedicationis que
fit in Dominica sequenti ip(s)u(m) festum Natiuitatis b(ea)te Marie festiuitatibus et celebritatibus h(uius)mo(d)i a primis uesperis usq(ue) ad secundas inclusiue deuote uisitauerint annuatim
Et ad reparationem conseruationemq(ue) edificior(um) calicum libror(um) luminarium alior(um)q(ue) ornamentor(um) ibi pro diuino cultu necessarior(um) manus porrexerint adiutrices Nos Cardinales
prefati et quilibet n(ost)r(u)m pro qualibet dictar(um) festiuitatum Centum dies Indulgentiar(um) de iniunctis eis penitentijs misericorditer in d(omi)no relaxamus et quilibet
n(ost)r(u)m relaxat P(rese)ntibus p(er)petuis futuris t(em)p(or)ibus in suo robore duraturis In Quor(um) fidem et testimonium p(rese)ntes l(itte)ras fieri n(ost)ror(um)q(ue) solitor(um) sigillor(um) iussimus et fecimus appensione
comuniri Dat(um) Rome in domibus n(ost)ris Anno d(omi)ni Millesimoquadringentesimoseptuagesimoquinto die uero decimaoctaua mensis Marcij Pontificatus
d(omi)ni n(ost)ri Sixti p(a)p(e) quarti Anno Quarto

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.