Research catalogue

Explore the charters

Search simply first. Refine only when the research question requires it.

1480_III_13

CZ-KAVB > VYBRO > 1480_III_13

Source: MonasteriumAI palaeographyAI interpretation
Page 1 / 2
1480_III_13, page 1
View
Transcriptiongemini-3.1-pro-preview
Wir Michael von gottes gnaden des Hailigenn Romischen Reichs Burggraue zu maidburg Graue zu Hardegk vnd Landmarschalh in Osterreich (et)c. Bekennen das An den nagstuergangen
Sambstag, Als wir zu gericht sassen, Der Edel vnd vest Ritter Her Iorg von Rostenharts vnser vndermarschalh anstat sein selbs mit gewalt vnd anstat des Edeln Hannsen von Rostenharts
seins Bruders fur vns kam vnd clagt nach Innhalt abschrift der ladung, Zu dem Edeln wolfganngen Eyzinger an Rumberg wie Er In nach laut ains geltbriefs, am Suma gulden pfant
lig wer, der Er an recht von Im nicht bekomen mochten des Er schaden nemen, vnd lies horen den geltbrief, in Suma tausent, Hundert, vnd dreissig gulden vngrisch, vnd Begert darumb
Verteens, Wenn aber wolfganng Eyzinger des vorgenanten Sambstags, auf die ladung nicht furkam, noch nyemant von seinn wegenn, Dardurch auf anruffen Her Iorgen von Iren
Ritteren vnd knechtenn zu Recht erkannt ist, Do nun wolfgannger Eyzinger die ladung in Rechten tagen nach lanndtsrecht geantwurt sein, vnd darauf nicht furkom, So sull Er zu
dreim malln berufft vnd in antwurt erfordert werdenn, kom Er noch desselbenn Sambstags zu gerichtszeit der pleib in seiner widerred gehort werdenn vnd darnach werd beschehn
was Recht wer, kem Er aber nicht, noch annder yemand von seinn Wegenn, mit genugsamen gewalt, Solt aber beschehen was Recht wer, Wenn aber der Eyzinger an demselben Sambstag
auf das beruffenn zu gerichtszeit nicht furkomen ist, noch annder yemand von seinn wegenn, Dardurch auf anruffen Her Iorgen von Rostenharts, anstat sein, vnd seins Bruders
An Ietzt von den vorgenannten Heren Rittern vnd knechten zu Recht erkannt ist, Seydmalln wolfganng Eyzinger des vergangen Sambstags, auf das beruffen zu gerichtszeit
nicht furkomen ist, noch annder yemand von seinn Wegenn, So hab Her Iorg von Rostenharts, sein anclag an Ietzt, anstat sein vnd seins Bruders, gegen wolfganngen Eyzinger be
langt vnd behabt, vnd wir sullenn denselbenn Eyzinger Pfantzehen vnd mit Im schaffenn den vorgenelten gebrudern von Rostenharts vmb Ir ergemelte behabung vnd vnerge
ben tagen nagstkunfftig genugsutun Tüt Er aber des nicht, wo dann Sy oder Ir Anwald an Ir stat auf desselbenn Eyzingers hab vnd gut Im lannde zu Osterreich gelegen
zaigenn, Des sullenn wir Sy schaffenn in Nuz vnd gwer zusezen, vnd gewaltig machen Souil damit Sy nach laut ladung, vnd geltbriefs ausgericht vnd wolgehaft
werdenn, ~Mit~ vrkund des briefs Geben zu Wienn an Montag nach dem Suntag letare zu mitterfastenn Nach Cristi gepurd vierzehenhundert vnd darnach in dem
Achtzigistem Iare

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.