Research catalogue

Explore the charters

Search simply first. Refine only when the research question requires it.

1481_XI_14

CZ-KAVB > VYBRO > 1481_XI_14

Source: MonasteriumAI palaeographyAI interpretation
Page 1 / 3
1481_XI_14, page 1
View
Transcriptiongemini-3.1-pro-preview
Ich Bieschof von wettern die zeit gesessen zwm Passawen Bekenn fur mich Vnd all mein Erbn offenlich
mit dem brieff allen den Er furkumbt ze sehen hörn oder lesen das Ich ain redlichn auswechsel getan hab als thue
den wissentlich In krafft ditz brieffs mit des wirdign Goczhaus Hohenfurt hindersäss petern pämeisel gesessn
zwo kirchslag vmb ain wiesn darein mein weier zwo kirchslag teenkt In d(er) marckht wies der wierd thiet
betrewfft soll vnd mag der benant peter oder wer das selb guet darauff Er yecz seusslig sicz Innhät nuczen vnd
niessen nach allem seinem willn vnd notturfft fur dyselbig wiesn hab Ich Ich abgenant Bieschof von wettern
dem benantn petern pämeisl ain wiesn die gelegn Ist vnderhalb der mull genant die lanng wies die gehort
hat zw des peterslich hoff daselbs ze nagst bey des strabatschn wies gelegn vnd der mullner hat ainen ackher
vndn daran stost die wies Ist bemarckt mit ainem Eysnpawm darunten ain kreicz das and(er) marck mit
ain Eysnpawm Im pach auch darunne ain kreicz gehackt vnd obn daran ligt ain grosser stain In der waid
auch hab Ich Im gebn ain freyn ewign wege von seinem städl vber mein gemain herw den weier vnd
engalb des weier ze farn zwo seinen gruenden nach seiner notturfft an mein meiner Erbn od(er) yamandt von
mein wegn Irrunng vnd hindernuss Vnd and(er) sein nachganden soll noch thar kainer denselbn weg nicht
farn an Erlawbn vnd willn des gemeltn petern vnd seiner Erbn od(er) wer das selb gut hinfur Innhät trewlich
vnd vngeuerlich Des zw ain warer vrkund gib Ich Im den offenbrieff besigelt mit meinem aign anhangendn
Insigl vnd zwo pesser gezeugnuss der sachn hab Ich meinen liebn bruder wankn von wettern gebetn
das Er auch sein Insigl zw mir an den brieff gehanngn hat Vnd das Insigl verpindt Ich mich obgenant
Bieschof von wettern mit meinen Erben alles das war vnd stat ze haldn ob der brieff Innhalt vnd
ausweist Bey dem wechsl beschaun vnd marckn Ist gewesn der Erwirdig gaistlich herr herr thoman die zeit
abbt des wirdign Goczhaus zwo hogenfurt herr Ericht hoffmaister auf dem Bieschoff hof wanko von wettern
jänko kigrer zwo höricz vrban zw kirchslag steffl altl Iakob chüacz vnd sand(er) Erberg lewt Der wechsl
beschaun vnd abred ist geschehn am mittichn nach sand marteintag als man zelt nach kristi gepurdt
tawsent vierhundert vnd Im ainvndachtzigistn Iare

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.