1554_III_11
CZ-KAVB > VYBRO > 1554_III_11
highMonasterium
Source: MonasteriumAI palaeographyAI interpretation
View
Translation
Transcriptiongemini-3.1-pro-preview
WIr Johannes Abbt vnser lieben frawen Gotshauß zue Hohenfurt, Johannes Nayderthum Prior vnd der gannz Conuent
gemaintlich daselbs, Thuen kundt vor menigklich Offentlich Bekhennendt hiermit disem brieff, wem der zue zulesen fure=
khumbt, fuer vns vnd all vnser nachkhumen, das vor vnser peschinen Ist Vnser lieber getrewer vndertthan, der
Erber Leopold Pöllma am Päßhoff gesess(en), zue erkhennen, wie von alterhero, bei vnsern vorfarn, den gewesnen Pre=
laten, derselb Päßhoff vnd alle seine Inwoner, die vor Ime dem Leopolden darauff gewonet, auch er noch selbs Leopold
derhalben biß her beym selben Päßhoff brieffliche vrkhundt furzuzaygen, nit verhanden wäern, vnd doch wir solher
freihaiten woll wissen thun, Hat er vns sonders diemüetiger vleiß, wir wolten Ime, Anna seiner Eehlichen Haußfraw(en),
Iren baiden Erben, vnd allen des Päßhoffs khünfftigen besitzern (damit der bemelt hoff nit etwo khünfftiger zeit, vmb
solhe befreiyung khumen möcht) deßhalben briefflich vrkhundt auffrichten, vnd Ime mittaillen lassen. So wir aber sein
Bit fuer zimblichen vnd pillichen geacht, haben wir darauff Ime, Anna seiner Haußfrawen, Iren paiden Erben,
vnd allen khünfftigen Inwonern desselben Päßhoffs, hiemit verkhuntlich, die wolbedächtlich solhe von alter vnd lang=
hergebrachte freihait, besat, geben vnd bestatten Inen dieselb auch hiemit khrafft ditz brieffs, also, das er Leopold
sein Haußfraw, Ir baiden Erben, vnd wer denselben hoff nach Inen khünfftiger zeit besitzenn wierde, Träidtzehent, Hue=
ner, kye, khäß, magen, vnd Robot, so alles andere vndertthanen bezallen vnd verrichten müessen, zue ewigen zeiten
gefreyt sein sollen. Wir vnd alle vnsere Gotshauß nachkhumen, sollen vnd wellen auch, solhe iez ernente be=
freiung von bemelten hof nit raissen noch kheren, sonder denselben damit gannz befreyt haben, doch so wellen
wir vns auch allen vnsern nachkhumen des Gotshauß Hohenfurt hieneben beuor genumen haben, Ob bemelts kloster
etwo auß gottes verhengnuß, es wär durch feuer, khriegsläuff oder ander züestendig vngefall (das got der her
wölle verhüetten) zue geferlichen vnd merklichen shaden khäm, das in solher anfechtiger nodt, die andern vnder=
thanen, zue bemelten Gotshauß Roboten müesten, das alßdan er Leopold, oder im ieder ander des hofs Inhaber, in
gemelter nodt, neben andern vndertthanen auch mit Robot hilfflich vnd beistendig sein solten. Ob sich dan begäb
das der offtbemeltt hoff, dem kloster Hohenfurt haimbfiele, sol eß mit solhem Todtenfaal, dem Landes in Behaim
geprauch nach, gleichförmig vnd gemäß gehalten werden, alles treulich vnd vngeferlich. Zue warer vrkhundt
haben wir obgemelt Johannes Abbt, Prior vnd Conuent, dem vilgemelten Leopolden Pölman, Anna seiner Eehlichen
Haußfrawen, Iren baiden erben, auch allen des Päßhoffs nachkhünfftigen Besitzern, disen brieff mit vnsern bai=
den aignen hieanhangenden Insigilln verfertigt, Gegeben, zue Hohenfurt Sontags Judica als man nach Chri=
sti vnsers ainigen Erlösers, gepurt zellet, Tausent fünffhundert, vnd in vier vnd fünffzigisten Jaren.
gemaintlich daselbs, Thuen kundt vor menigklich Offentlich Bekhennendt hiermit disem brieff, wem der zue zulesen fure=
khumbt, fuer vns vnd all vnser nachkhumen, das vor vnser peschinen Ist Vnser lieber getrewer vndertthan, der
Erber Leopold Pöllma am Päßhoff gesess(en), zue erkhennen, wie von alterhero, bei vnsern vorfarn, den gewesnen Pre=
laten, derselb Päßhoff vnd alle seine Inwoner, die vor Ime dem Leopolden darauff gewonet, auch er noch selbs Leopold
derhalben biß her beym selben Päßhoff brieffliche vrkhundt furzuzaygen, nit verhanden wäern, vnd doch wir solher
freihaiten woll wissen thun, Hat er vns sonders diemüetiger vleiß, wir wolten Ime, Anna seiner Eehlichen Haußfraw(en),
Iren baiden Erben, vnd allen des Päßhoffs khünfftigen besitzern (damit der bemelt hoff nit etwo khünfftiger zeit, vmb
solhe befreiyung khumen möcht) deßhalben briefflich vrkhundt auffrichten, vnd Ime mittaillen lassen. So wir aber sein
Bit fuer zimblichen vnd pillichen geacht, haben wir darauff Ime, Anna seiner Haußfrawen, Iren paiden Erben,
vnd allen khünfftigen Inwonern desselben Päßhoffs, hiemit verkhuntlich, die wolbedächtlich solhe von alter vnd lang=
hergebrachte freihait, besat, geben vnd bestatten Inen dieselb auch hiemit khrafft ditz brieffs, also, das er Leopold
sein Haußfraw, Ir baiden Erben, vnd wer denselben hoff nach Inen khünfftiger zeit besitzenn wierde, Träidtzehent, Hue=
ner, kye, khäß, magen, vnd Robot, so alles andere vndertthanen bezallen vnd verrichten müessen, zue ewigen zeiten
gefreyt sein sollen. Wir vnd alle vnsere Gotshauß nachkhumen, sollen vnd wellen auch, solhe iez ernente be=
freiung von bemelten hof nit raissen noch kheren, sonder denselben damit gannz befreyt haben, doch so wellen
wir vns auch allen vnsern nachkhumen des Gotshauß Hohenfurt hieneben beuor genumen haben, Ob bemelts kloster
etwo auß gottes verhengnuß, es wär durch feuer, khriegsläuff oder ander züestendig vngefall (das got der her
wölle verhüetten) zue geferlichen vnd merklichen shaden khäm, das in solher anfechtiger nodt, die andern vnder=
thanen, zue bemelten Gotshauß Roboten müesten, das alßdan er Leopold, oder im ieder ander des hofs Inhaber, in
gemelter nodt, neben andern vndertthanen auch mit Robot hilfflich vnd beistendig sein solten. Ob sich dan begäb
das der offtbemeltt hoff, dem kloster Hohenfurt haimbfiele, sol eß mit solhem Todtenfaal, dem Landes in Behaim
geprauch nach, gleichförmig vnd gemäß gehalten werden, alles treulich vnd vngeferlich. Zue warer vrkhundt
haben wir obgemelt Johannes Abbt, Prior vnd Conuent, dem vilgemelten Leopolden Pölman, Anna seiner Eehlichen
Haußfrawen, Iren baiden erben, auch allen des Päßhoffs nachkhünfftigen Besitzern, disen brieff mit vnsern bai=
den aignen hieanhangenden Insigilln verfertigt, Gegeben, zue Hohenfurt Sontags Judica als man nach Chri=
sti vnsers ainigen Erlösers, gepurt zellet, Tausent fünffhundert, vnd in vier vnd fünffzigisten Jaren.