Research catalogue

Explore the charters

Search simply first. Refine only when the research question requires it.

1581_II_13

CZ-KAVB > VYBRO > 1581_II_13

Source: MonasteriumAI palaeographyAI interpretation
Page 1 / 3
1581_II_13, page 1
View
Transcriptiongemini-3.1-pro-preview
STANISLAVS PINCEVIVS
Sacræ Theologiæ Doctor, & in vniuersitate Cracouien(si) publicus Professor, Ecclæ(siæ) S(ancti) Floriani et eiusdem facultatis Decanus, vna cum Do=
ctoribus, eandem facultatem actu regentibus, Omnibus & singulis, ad quos præsentes n(ost)ræ l(itte)ræ peruenerint, salutem in Domino & prosperitatem.
QVONIAM Religiosus Frater, IOANNES HARSIVS, natione Gallus, Cisterciensis ordinis professus, studiosus vniuersitati
Cracouien(si) incorporatus, & facultati Theologicæ addictus, primum per venerandum præceptorem suum, demum ipse etiam in propria persona petijt,
a nobis sibi decerni, et conferri gradum Baccalaureatus, in sacra facultate Theologica, Eandem postulationem considerantes piam, et catholico ac
Religioso sacerdoti competentem. Voluntati ipsius & desiderio morem facturi, secundum leges & consuetudines vniuersitatis & facultatis The=
ologicæ n(ost)ræ, ipsum ad publicas disputationes, in eiusdem facultatis materijs, deinde ad examen priuatum, admisimus. Dum ergo ex disputationibus publicè habitis audiuimus,
& in examine priuato non mediocriter versatum esse, in facultate Theologica, Ipsum adeoq(ue) dubia ex scriptura sacra illi proposita debitè resoluisse, obscura dilucidè explicasse,
pugnantia ingeniosè conciliasse, hæretica deliria circa sacram scripturam, in medium producta appositè refutasse: et capita scripturæ, tam veteris quam noui Testamenti ipsi assigna=
ta, debito ordine, et iusta methodo, explicasse cognouimus. Non indignum duximus, eundem ad Baccalaureatum sacræ Theologiæ promouere, prout promouimus, in DEI nomi=
ne, in publico & solenni, frequenti auditorum lectorio. Quapropter eundem fratrem Iohannem Harsium, in vniuersitate Cracouiensi, sacræ facultatis Theologicæ Baccalaureu(m)
præmisso seuero et rigoroso secundum leges examine, promotum vestris R(everendissi)mis Venerandis, Illustrissimis, spectabilibus, studiosis Nobilibus, semper & vbiq(ue) commendatum
esse cupimus, Nos quoq(ue) in similibus per omnem occasionem, dignitatibus v(est)ris morem gerere parati erimus. In quorum omnium præmissorum euidentius & firmius testi=
monium hasce l(itte)ras n(ost)ras, ex vnanimitotins facultatis Theologicæ consensu, emanatas manu n(ost)ra subscripsimus, et sigillo facultatis obsignauimus. Actum et Dat(um)
Cracouiæ die tredecima Februarij Anno domini milesimo quingentesimo Octuagesimo primo -

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.